01.Nr _____/2010
Dt. 02.08.2010
Në mbështetje të nenit 40 pika 1, neni 73, i Ligjit për Vetëqeverisje Lokale, neni 4.2 të Udhëzimit Administrativ Nr.2008/10 për organizimin dhe funksionimin e Komiteteve Konsultative, neni 30 i Statutit të Komunës, Kuvendi i Komunës shpallë:
K O N K U R S
Për anëtarë në Komitetet Konsultative të Komunës së Hanit të Elezit
1. Komiteti për Arsim, Kulturë, Shëndetësi dhe Mirëqenie Sociale (5 anëtarë).
2. Komiteti për Zhvillim Ekonomik, Planifikim Urban dhe Mbrojtje të Ambientit (5 anëtarë).
3. Komiteti për Shërbime Publike dhe Emergjencë (5 anëtarë).
Detyrat dhe përgjegjësit:
- Japin propozime për rregullore të ndryshme sipas lëmive përkatëse.
- Japin mendime dhe ide rreth iniciativave që i ndërmerr Kryetari i Komunës,Komitetet e përhershme apo Kuvendi i Komunës në fushat përkatëse.
- Paraqesin pikëpamje dhe mendime të qytetarëve te Kryetari i Komunës dhe Kuvendi i Komunës.
- Paraqesin propozime për zgjidhjen e problemeve të identifikuara.
- Paraqesin ide apo propozime për hulumtime të ndryshme.
Mandati:
–Mandati i parë i anëtarëve të Komiteteve Konsultative është 3 (tre) vjeçar në baza të rregullta ku 1/3 (një e treta) e anëtarëve duhet të ndërrohet çdo vit.
Anëtarët e Komiteteve Konsultative mund të shërbejnë më së shumti për dy mandate të njëpasnjëshme si anëtarë të atyre komiteteve.
Kompensimi:
–Për punën e tyre në Komitetet Konsultative, anëtarët e këtyre komiteteve do të kompensohen konform me dispozitat e nenit 9 të Udhëzimit Administrativ Nr.16/2008 për pagesën e Stafit politik në Komuna.
Kushtet:
Të drejtë për të marrë pjesë në konkursin për anëtarësim në Komitetin Konsultativ kanë të gjithë qytetarët dhe përfaqësuesit e organizatave joqeveritare të Komunës së Hanit të Elezit të cilët janë njohës të fushave përkatëse.
- Përfaqësimi gjinor në Komunitetin Konsultativ duhet të jetë në kuotën e 30%.
- Kandidati për anëtar në Komunitetin Konsultativ duhet të jetë banor i Komunës së Hanit të Elezit.
- Përgatitja profesionale- përparësi.
Dokumentet e kërkuara:-
- CV
- Diploma
- Çertifikata e lindjes
- Kopje e letërnjoftimit
- Çertifikata e vendbanimit
Kandidatët të cilët konkurrojnë do t’i nënshtrohen intervistimit.
Afati për dorëzimin e dokumenteve të kërkuara është 30 ditë nga dita e shpalljes në gazetat publike.
Dokumentet e pa kompletuara dhe ato që arrijnë pas kësaj date nuk do të shqyrtohen.Dorëzimi i dokumenteve të kërkuara mundë të bëhet çdo ditë pune nga ora 9:00 deri 15:30,në Komunë përkatësisht në zyrën e pranimit.
Kryesuesi i Kuvendit të Komunës
Menduh Vlashi
Për anëtarë në Komitetet Konsultative të Komunës së Hanit të Elezit
