Koncepti i Binjakëzimit është iniciativa e financuar nga BE që synon të sjellë vendet më afër me Ligjet dhe standardet e BE-së nëpërmjet shkëmbimit të ekspertizës në sektorin publik duke rritur bashkëpunimin ,sigurinë dhe prosperitetin në gjithë Evropën dhe në rajonet fqinje.
Me anë të këtij projekti synohet ndihma teknike dhe transferimi i ekspertizës si dhe njohurive përmes profesionistëve ekuivalent duke punuar së bashku në vendin përfitues në programe të dizajnuara në mënyrë specifike ,duke pasur për objektiv kryesorë që të kontribuojë në zhvillimin e administratës publike për të plotësuar kërkesat e një shoqërie funksionale në mënyrë transparente dhe të përgjegjshme.
Si pjesë përbërëse e ndihmës së vazhdueshme të Bashkimit Evropian në Kosovë, përmes Zyrës Ndërlidhëse të Komisionit Evropian , komuna e Hanit të Elezit ka nënshkruar marrëveshjen "Binjakëzimit" , projekt ky i implementuar nga Britania e Madhe dhe Danimarka ,duke u përkushtuar për të kontribuar në zhvillimin e komunes dhe për të përmirësuar shërbimet ndaj qytetarëve përmes punës bashkëpunuese me palët homologe nga shtetet anëtare të BE-së.
Në shumë takime të përbashkëta udhëheqësia komunale, ka identifikuar prioritete të cilat mund të mbështeten, të ndajnë përvojat, të përshpejtojnë aktivitetet, dhe përforcojnë një bashkëpunim praktikë.
Ministria e Mjedisit dhe Planifikimit Hapësinorë këtë vit në komunën e Hanit të Elezit ka filluar një projekt afatgjatë për pastrimin e shtratit të lumit Lepencë nga mbetjet e azbestit të cilat për shumë vite dhe në mënyrë të pakontrolluar janë deponuar përgjatë këtij lumi gjatë kohës së punës së fabrikës së azbestçimentos ,, Salloniti”.
Duke vlerësuar këtë projekt të MMPH-së si shumë të rëndësishëm për komunën e Hanit të Elezit, duke e analizuar nga aspekti i një perspektive afatgjate rregullimin e shtratit të lumit Lepencë ,dhe duke vlerësuar kapacitete e veta si financiare ashtu edhe profesionale për një projekt madhor si ky ,ekzekutivi i komunës së Hanit të Elezit në bashkëpunim me ekspert nga projekti e binjakëzimit ka identifikuar këtë projekt për bashkëpunim.
Për këtë arsye për dy ditë me radhë në komunën e Hanit të Elezit është duke qëndruar z. Brian Faulkner ekspert për menaxhimin e ujërave nga projekti i ,,Binjakëzimit” cili do të bënë një projekt fizibiliteti për rregullimin e shtratit të lumit Lepenc.Z.Faullkner së bashku me zyrtarë të zyrës së urbanizmit të komunës së Hanit të Elezit do të vlerësojnë dhe analizojnë të gjitha mundësit teknike për realizimin e këtij projekti.
Zyra për informim
