Kryetari i komunës Rufki Suma morri pjesë në konferencën ndërkombëtare me titull: “A po e rrezikon klientelizmi ndërtimin e qeverisjes së mirë në komuna” të organizuar nga Instituti Kosovar për Qeverisje Lokale në bashkëpunim me Ambasadën Norvegjeze dhe Fondacionin Friedrich Ebert.
Ky studim është punuar nga z.David Jackson si pjesë e hulumtimit të tij në temën rreth klientelizmit në vazhdën e publikimeve që Instituti Kosovar për Qeverisje Lokale nxjerrë dhe si qëllim kanë fuqizimin e demokracisë dhe qeverisjes lokale në Republikën e Kosovës.
Besnik Tahiri, drejtor i Institutit Kosovar për Qeverisje Lokale, në fjalën e tij theksoj: Ky publikim është bërë në periudhën kohore 2012-2013, dhe si i tillë përbën një kontribut të çmuar në debatin që ndërlidhet me qeverisjen e mirë dhe krijimin e një sistemi të qëndrueshëm të pushtetit lokal në Republikën e Kosovës. Hulumtimi dhe publikimi në këtë temë është i pari i këtij lloji në vend, andaj ne si Institut Kosovar për Qeverisje Lokale shpresojmë se me ketë publikim nxisim hulumtime tjera në lidhje me klientelizmin në Kosovë.
Ambasadori Norvegjez z.Jan Braathu, i pranishëm në konferencë në fjalën e tij vuri theksin në disa pika kyqe që ndërlidhen me dobësimin e shtetit dhe nënvlerësimin e besimit dhe përkrahjes që qytetarët ndërtojnë ndaj shtetit si pasojë e vetive klienteliste të cilat sipas tij sjellin “vdekjen e shoqërisë, nëpërmjet njëmijë ataqeve” kështu që ai ngriti pyetjen: çfarë shoqërie dhe qfarë shteti Kosovarët duan?, pytje të cilen e la të përgjigjen vetë Kosovarët, duke shtur se marrëdhëniet klienteliste janë rrugë e sigurt drejt anarkisë.
Në këtë publikim rrjedhe se “në të gjitha komunat përveç komunës së Hanit të Elezit, kryetarët e komunave janë pjesë e makinës”. Nga anketa e prezentuar, Komuna e Hanit të Elezit ku kryetari është i pavarur nga këto struktura tregon se klientelizmi është shumë më i ulët në raport me komunat tjera.“Kryetari Rufki Suma që nga marrja e detyrës më 2009 ka bërë ri-dizajnimin e qeverisë komunale nga një stil dominant i politikë bërjes klienteliste tek një që është më e përafërt me logjikën demokratike i lire nga nevoja të sigurojë resurse për mbështetësit e parties politike, për të qenë i lirë të sigurojë burime për qytetarët në bazë të nevojave”. thuhet ndër të tjera në raportin e prezantuar në këtë konferencë.
Të pranishëm në konferencë ishin shumë kryetar komunash, përfaqësues nga Ministria e Administrimit të Pushtetit Lokal, misione e organizata të ndryshme ndërkombëtare, shoqëria civile dhe akter tjerë të qeverisjes lokale.
Zyra për Informim
