“Initiative for Kosovo Community” (I.K.C), në kuadër të ”Marrëveshjes së Bashkëpunimit” me komunën e Hanit të Elezit për përkrahjen burrave me qëllim të gjenerimit të hyrave në qytetin dhe fshatrat e komunës së Hanit të Elezit sot ndau 92 koshere bletësh për 15 përfitues në këtë projekt.
Në ndarjen e këtyre koshereve për përfituesit, ishin Drejtori ekzekutiv i “Initiative for Kosovo Community” (I.K.C) z.Ekrem Bajrami, nënkryetari i komunës së Hanit të Elezit z.Menduh Vlashi dhe z.Hajredin Gashi Drejtorë i DPZHR .
z.Ekrem Bajrami dhe z.Hajredin Gashi thanë se bletarët përfitues përmes trajnimeve kanë marrë njohurit e nevojshme në fushën e bletarisë moderne dhe me këtë donacion synohet që bletarisë në komunën e Hanit të Elezit ti ofrohen mundësi për shtimin e kapaciteteve të tyre.
Anëtarë të OJQ “Mjalti” e cili grumbullon bletarët e Hanit të Elezit thanë se kjo shoqatë ka 25 anëtarë të cilët aktivisht merren me bletari me mbi 1000 koshere bletësh.
Bletarët e Hanit të Elezit janë përkrahur edhe nga Projekti LAB-it, subvencionet nga komuna e Hanit të Elezit dhe MPZHR-së.
OJQ “Mjalti” me këtë rast ndau “Mirënjohje” për “Initiative for Kosovo Community” (I.K.C), Komunën e Hanit të Elezit, dhe Projektin LAB për kontributin e tyre në përkrahje të sektorit të bletarisë në Komunën e Hanit të Elezit
