Hani i Elezit 16.06.2011
Iniciativë për formimin e Këshillit të Përbashkët të Veprimit Rinorë
Në një tryezë pune ku morën pjesë nga zyra e OSBE-së,Struktura të Komunës së Hanit të Elezit,OJQ- Spektri ,nga Kuvendi i të rinjve ,si dhe nga përfaqësues të shkollave të komunës,u bisedua rreth pozitës aktuale të të rinjve në përgjithësi por edhe në veçanti për pozitën e rinisë së Komunës së Hanit të Elezit ,gjithnjë në kontekst të Zbatimit të Ligjit për Fuqizimin dhe pjesëmarrjen e të rinjve në proceset vendimmarrëse ,si dhe Udhëzimet Administrative të cilat e plotësojnë këtë ligj.
Ishte konstatim i përbashkët se të rinjtë e Hanit të Elezit kanë nevojë për një përkrahje më të fuqishme nga institucionet ,por nuk mungoi edhe vetëkritika për angazhimin jo të mjaftueshëm të të rinjve për ti shfrytëzuar mundësit të cilët dalin nga zbatimi i ligjit,në përmirësimin e pozitës së tyre,në artikulimin e nevojave dhe kërkesave drejtuar organeve vendimmarrëse.
Pikërisht duke i identifikuar këto probleme u ngritë edhe iniciativa për themelimin e Këshillit Lokal Rinorë i cili do të ishte si bartës e aktiviteteve rinore.
Themelimi i këtij këshilli si edhe në komunat tjera është edhe njëri ndër kriteret për anëtarësimin edhe të të rinjve të Kosovës në Federatën Evropiane të të Rinjve.
U vendos që nga ky takim të fillojnë edhe përgatitjet për Themelimin e Këshillit të Përbashkët Rinorë.
Zyra për Informim.
