Fondacioni i Kosovës për Inovacione – IFOK, në hapësirat e Shkollës Fillore të Mesme të Ulët “Ilaz Thaçi” në Han të Elezit implementoi një projekt shumë kreativ dhe praktik, "Tabela e shumëzimit në shkallët e Shkollave Fillore".
Me rastin e përurimit të këtij projekti, Bashkim Fazliu (Migjeni), Drejtor Ekzekutiv i Fondacionit të Kosovës për Inovacione – IFOK , tha se synim i projektit është të ndikojë në nxitjen e edukimit të nxënësve në një formë tjetër duke u argëtuar.
Drejtori i i IFOK-ut z.Fazliu tha se Fondacioni synon që brenda 10 vjetëve të ardhshme të krijojë një brez të inovatorëve të rinj që përmes ideve dhe inovacioneve të jenë baza e zhvillimit të një gjenerate të re që do të ndihmojnë zhvillimin ekonomik të vendit tonë.
Ndërsa Kryetari i komunës z.Rufki Suma falënderoi z.Bashkim Fazliu (Migjeni) dhe Fondacioni i Kosovës për Inovacione – IFOK që kanë përzgjedhur shkollat e komunës së Hanit të Elezit të jenë pjesë e këtij projekti. Komuna e Hanit të Elezit në vazhdimësi është duke e përkrahur sektorin e arsimit dhe shpresoj se me Fondacioni i Kosovës për Inovacione – IFOK do të gjejmë forma të reja të bashkëpunim në realizimin e projekteve të reja .
