Bizneset e komunës së Hanit të Elezit, prej sot mund të regjistrohen në komunë e Hanit të Elezit.Sot është bërë edhe hapja Zyrtare e Qendrës pë Regjistrimin e Biznesev e cila do të funksionoj në kuadër të Qendrës për Shërbimin e Qytetarëve.
Inagurimin e kësaj qendre e bënë Ministri e Tregtisë dhe Industrisë z.Bernard Nikaj dhe kryetari i Komunës së Hanit të Elezit Rufki Suma.
Kryetari i Komunës Rufki Suma me këtë rast ka falënderuar Ministri e Tregtisë dhe Industrisë në mbështetjen e vazhdueshme për hapjen e kësa zyre. Kjo zyre do të luaj një rol jashtëzakonisht të rëndësishëm për komunitetin e biznesit të Hanit të Elezit, sepse afaristi më nuk ka nevojë të udhëtojë në Prishtinë disa here, për ta bërë kërkesë regjistrimi, ngase tani e tutje, këtë procedure mund ta kryejnë në Han të Elezit, ku do të pajisen edhe me certifikatë përkatëse brenda ditës, nëse dokumentacioni është në rregull.Jemi duke punuar që të krijojmë kushte më të mira për jetë për qytetarët në komunën e Hanit të Elezit. Në këtë kontekst përfshihen edhe ofrimet e shërbimeve për qytetarët duke filluar nga shërbimet administrative, regjistrimi i bizneseve dhe deri tek ato projekte të rëndësishme dhe gradualisht qytetarëve tanë po ju ofrojmë të gjitha sërbimet e nevojshme që janë në kompetenca të komunës ka thënë kryetari Suma.
Ndërsa Ministri Bernard Nikaj u shpreh i lumtur që kanë mundur të realizojnë një projekt të rëndësishëm në këtë pjesë të Kosovës.”Jam i kënaqur që kemi arritur të nënshkruajmë marrëveshjen për hapjen e Qendrës për Regjistrimin e Bizneseve. Kemi arritur të hapim 28 qendra të tilla dhe konsideroj se është bërë një hap shumë i rëndësishëm që tregon se do të ofrohen shërbime për qytetarët e dhe bizneset e Komunës së Hanit të Elezit të cilët më parë ata është dashur të shkojnë në qendrat tjera tha Ministri Nikaj.
Shpresoj se kjo qendë përveç regjistrimit do të jetë edhe qendër që do të përkrahë fuqishëm komunitetin e biznesit dhe do të jetë e gatshme për ofrimin e informatave të nevojsme për të lehtësuar procedurat e regjistrimit të biznesit më shpejt dhe me më pak shpenzime.
Zyra për Informim
