Për nder të ”MUAJI I RINISË” 2016 Komuna Hani i Elezit, Drejtoria e Arsimit Kulturës, Rinis dhe Sportit sot realizoi një sërë aktivitete të ndryshme kulturore, sportive dhe edukative.
Shënimi i kësaj dite filloi me pastrimi i ambientit, rrugët kryesore në qytetin e Hanit të Elezit si dhe ngjyrosjen e ulëseve në parkun e qytetit të cilën e realizuan nxënësit e shkollave të komunës së Hanit të Elezit.
Nga aktivitete e planifikuar për këtë ditë është zhvilluar gara në pikturë, vizatim i lirë ku pjesëmarrës ishin 10 të rinj.Duke iu dhënë mundësin që të shpalosin talentin e tyre artistik të rinjët realizuan punime të shkëlqyera ndërsa për tre punimet më të mira u ndanë edhe shpërblime modeste.
Aktivitet në shënim të Ditës së Rinis në Han të Elezit u shoqëruan edhe me aktvitet sportiv.
Në fushë e hapur të futbollit në SHFMU ”Ilaz Thaçi” Hani i Elezit u zhvillua turniri në futboll të vogël.
Punimet e të rinjëve në pikturë e vizatim të lirë u prezentuan në Ekspozitën në Shtëpinë e kulturës ”Imri Curri”
Aktivitetet për nder të ”MUAJI I RINISË” u përmbyllën me Komedin “Jeta e një artisti” të cilën e në mënyrë të përkryer e realizuan studentët nga Hani i Elezit në Universitetin e Prishtines, Dega e Arteve Dramatike, Aktrim, Qendresa Loku dhe Armend Ballazhi.
Në udhëtimin e tyre të imagjinuar në trenin e imagjinuar ata udhëtuan në kohë, hapësir e ngjarje për të përshkruar sfidat e “Jetës së një Artisti”.
Qasja profesionale dhe performanca e shkëlqyer e artistëve bëri që shfaqja e tyre të përcillet me ovacione nga publiku prezent.
“Dita e Rinisë 2018”, është realizuar në bashkëpunim me Muzeun e Kosovës përmes aktiviteteve të shumta promovuese si prezantime të ndryshme të gjetjeve arkeologjike, prezantimi të botimeve të ndryshme edukative-arsimore, artit pamor dhe ekspozitave mobile,
Të gjitha aktivitetet për nder të ”MUAJI I RINISË” 2016 u kordinuan nga Drejtori i Drejtorisë për Arsim Kulturë Rini dhe Sport Irfan Qajani dhe Profesoresha e Artit Figurativ Bukurie Shkreta.
