Hani i Elezit shënoi 11 Qershorin, Ditën e Çlirimit, 16-vjetorin e ditës më të rëndësishme të historisë më të re për këtë komunë
Shënimi i 11 Qershorit, Ditës së Çlirimit të Hanit të Elezit, filloi me Homazhë në Kompleksin e Varrezave të Dëshmorëve në Puset e Nikës.
Përfaqësues të institucioneve publike në krye me kryetarin e komunës Rufki Suma, Familje të Dëshmorëve, FSK-së, Policisë së Kosovës, Shoqata të daluar nga Lufta e UÇK-së, subjeteve politike, shoqata të sindikatave e të sportit, e shumë mysafirë e qytetarë të komunës së Hanit të Elezit vendosën lule në varrezat e dëshmorëve dhe me përkulje e respekt nderuan veprën e dëshmorëve të Hanit të Elezit.
Manifestimi qendrorë me rastin e Shënimit të Ditës së Çlirimit u mbajtë para shtëpisë së kulturës “Imri Curri” të mbushur me pjesmarrës nga të gjitha trevat shqiptare.
Duke përshëndetur të pranishmit, familjet e dëshmorëve të kombit, familjet e viktimave civile të luftës, përfaqësuesit e shoqatave të dalura nga lufta e UÇK-së, invalidët e veteranët e të gjitha luftrave çlirimtare, oficer e ushtarë të Kosovës, pjestarë të Policisë së Kosovës, përfaqësues të institucioneve qendrore e lokale, perfaqesues te Bashkësisë Islame, përfaqësues të bizneseve, punëtorë shëndetësor, mësimdhënës, nxënës dhe qytetarë nga Kosova e Maqedonia Kryetari i Komunës Rufki Suma tha:
Sa here që festojmë diten e çlirimit, na kujtohen dhe nuk duhet harruar vitet e okupimit. Vitet kur shumë okupator luajtën me fatin dhe te drejtat tona.
U dasht te kalojnë me shumë se 100 vite nga shpallja e Pavarësisë së Shqipërisë per te ardhur deri te ditet e sotme. Por per te ardhur deri ketu u derdh shum gjak, Dhjetra mijëra njerëz u vranë, mijëra të tjerë u plagosën, mijëra qytetarë ende gjenden te zhdukur, vetëm ne dekadën e fundit u zhvilluan tri luftra çlirimtare: ne Kosovë, Luginë të Preshevës dhe Maqedoni, por ende nuk u fitua ajo per qka u betuam. Ende ne trevat shqiptare derdhet gjak siq ishte rasti i Kumanoves, ende çlirimtarët denohen me dhjetra vite burgim kinse per keqtrajtimin dhe vrasjen kriminelve apo edhe bashkepuntorëve te tyre.
Këtyre ditëve kur në të gjitha qytetet e Kosovës shënohet Dita e çlirimit, ne institucionin më të lartë të vendit, ne Kuvendin e Kosovës po tentohet të miratohet Gjykata Speciale për të trajtuar luftën e UÇK-së dhe për të denuar ata që e sollën Kosovën në këtë ditë.
Të nderuar të pranishëm, edhe perkundër këtyre veprimeve jo të mira kundër çlirimtarëve, presioneve të ndërkombëtarëve për të krijuar Gjykatën speciale, ne si popull duhet të jemi të bashkuar dhe të vendsur që të mos leshojmë pe, sepse duke lëshuar pe, do të humbim edhe atë pakë Pavarësi qe e kemi fituar me gjakë.
Të nderuar qytetarë, kur shenojmë këtë ditë, duhet te kujtojmë luftën dhe sakrificën e të gjithë qytetarëve tanë që në forma të ndryshme dhanë kontribut për të ardhur deri këtu, por nuk duhet harruar as luftën e UÇK-së dhe aleatëve tanë NATO-s e cila për javë të tëra bombarduan pozicionet e ushtrisë dhe policisë sërbe, por nuk duhet harruar as ndihmën e vllezërve tanë nga Maqedonia, Shqipëria e Diaspora, që me një kontribut të përbashkët erdhëm deri te largimi i pushtuesit serb nga Kosova.
Sot ende ka mbetur të punohet për tu përmbushur amaneti i dëshmorëve për bashkim kombëtar. Por kjo mund të bëhet vetem me një vendosmëri të të gjithë faktorit politik shqiptar të të gjitha trojeve.
Te nderuar të pranishëm, Hani i Elezit edhe pse një komunë e vogël në numër, për lirine e trojeve shqiptare dha 13 Dëshmorë, dhjetra civil të vrarë, dhjetra të tjerë të plagosur dhe një brigade me mbi 500 ushtarë që luftuan në të gjitha frontet e luftës, në të gjitha trojet shqiptare.
Gjithashtu edhe pas luftës, Hani i Elezit si një nga komunat me te reja te Kosovës, rradhitet nder komunat me transparente dhe më të avansuara si në arsim, infrastruktur, dhe fushat tjera te jetës. Ka rregulluar gati në tërsi infrastrukturen rrugore, infrastrukturen shkollore e te tjera.Si produkt i ngritjes së cilësis së Arsimit, këtë vitë Ministria e Arsimit e Republikës së Kosovës shpalli profesorin Mallzum Qajani si puntorin më të mirë arsimor në Republikën e Kosovës.Gjithshtu vlenë të përmedet se sot percollëm për në “BAKU” të Azarbejxhanit, mundësin Arlind Curri nga Klubi i Mundjes “Sharri” për të perfaqesuar Kosovën në Lojrat Olimpike Europiane.
Andaj ne duhet të jemi krenar me këto personalitete sepse me një punë të perbashkët mund të korrim edhe suksese të tjera në të gjitha fushat e jetës.
Duke përmbyllur fjalimin dhe duke ju falënderuar për pjesmarrjen në këtë manifestim kryetari Suma tha se meqenëse jemi në pragë të muajit të Ramazanit, ju uroj të gjithëve muajin e bekuar të Ramazanit duke ju dëshiruar agjërim të lehtë, dhe duke lutur Allahun të pranojë lutjet dhe agjërimin.
Pjesmarrësve në manifestimi qendrorë me rastin e Shënimit të 11 Qershorit “Ditës së Çlirimit” iu drejtua edhe Lideri i Lëvizjes Vetëvendosje z.Albin Kurti.
Ai tha se ndjehet i lumtur që sot gjendet në Komunë e Hanit të Elezit të stolisur me flamuj Kuq e Zi e cila shënon Ditën e Çlirimit. Nesër Kuvendi i Kosovës me një séancë solemne shënon Ditën e Paqes dhe pas 16 viteve ende nuk ka marrë guximin që këtë ditë të madhe ta shënojë si ditë të çlirimit. Të nderuar,sot me këtë manifestim dhe me pjesmarrjen e juaj, me shënimin e kësaj dite të çlirimit, ju po nderoni dëshmorët të cilë po na bashkojnë në këto ditë për të na përkujtuar se nuk e kemi arrituar atë për të cilën ata dhanë jetën.Ata dhanë jetën e tyre si sacrificë për të ndërtuar një shtet të lire.Veprat e secilit nga ne nuk do të vlerësohen me atë qka kemi bërë sot por për atë se sa veprat tona do të kenë reflektim mbi të ardhmen.Sot të gjith ne duhet të angazhohemi që me veprat tona të sigurojmë një të ardhme sa më të mire për fëmijët tanë dhe gjeneratë e ardhëshme tha ndër të tjerat z.Kurti.
Me fjalim rasti pjesmarrësve iu drejtua edhe z.Ragip Sallova, Kryetarë i shoqatës për mbrojtjen e vlerave të luftës i cili lexoi një pjesë nga libri e tij kushtuar kryetarit të Komunës Rufki Suma.
Manifestimi qendrorë me rastin e Shënimit të Ditës së Çlirimit u përmbyll me program muzikorë dhe artistik të përgatitur nga anëtarët e SHKA “SHARRI” nga Hani i Elezit
