Hani i Elezit 28.11.2012
Që nga orët e hershme të mëngjesit qendra e qytetit të Hanit të Elezit e mbuluar me flamuj Kuq e Zi, fillojë të mbushet edhe me qindra qytetarë të cilët duke parakaluar filluan festën e madhe të 100 vjetorit të pavarsisë dhe Ditës së Flamurit .
Atmosfera festive, filloi me zurla e tupana për tu përcjellur nga qindra e qindra qytetarë që vërshuan nëpër rrugët e qytetit për të hyrë në valle të përbashkë dhe për të festuar këtë përvjetorë, me flamuj dhe brohoritje “Oh sa mire me qenë shqiptarë”.
Hani I Elezit sot ishte qyteti i flamujve dhe ngjyrës kuq e zi.Që nga fëmija më i vogël deri te më i moshuari mbante në vehte flamuj ose veshje kuq e zi për tu bërë pjesë e dekorit dhe festës .
Përveç qytetarëve nga Hani I Elezit kësaj feste iu bashkuan edhe shumë qytetarë nga vende tjera si dhe shumë bashkëqytetarë nga diaspora që kishin ardhë enkas që të përjetonin festën e 28 nëntorit në Kosovën e pavarur.
Organizimet e këtij manifestimi janë bërë nga Komuna e Hanit të Elezit,të përkrahur nga institucionet shkollore dhe komuniteti i biznesit, dhe gjatë gjithë ditës ishin organizuar manifestime të ndryshme kulturore,ekspozita të artit figurative në shkollat e komunës për të arritur kulmin me një koncert të pasuruar me një program kulturo-artistik, i cili të filloi në mesditë.
Entuziazmin më të madh kësaj feste ia jepnin fëmijët, të cilët që herët shëtisnin me flamuj dhe me simbolet kombëtare dhe të cilë të parët filluan me programin festiv të pasuar me shumë artistë nga Hani I Elezit dhe të estradës nga Kosova e Maqedonija.
Fjalët nuk kanë vend sot në festën e madhe, ato duken të tepërta ndërsa sheh fytyrat e gëzuara të qytetarëve dhe duke uruar ndër vete tha kryetari i komunës Rufki Suma .
I pari i Komunës gjatë ditës me një delegacion nga institucionet publike ,vendosën lule në varrezat e dëshmorëve në Puset e Nikës. Ai me këtë rastë tha se kjo festë është angazhim dhe përpjekje e jashtëzakonshme njëshekullore, është fryt i punës së shumë brezave, që punuan dhe u sakrifikuan në altarin e lirisë që ne sot të jemi të lirë, të barabartë dhe të dinjitetshëm me popujt e tjerë të botës.
Në këtë ditë,duhet të nderojmë dhe kujtojmë të gjithë , ata veprimtarë, ata intelektualë, ata luftëtarë, ata qytetarë të thjeshtë që secili në jetën dhe në punën e vet të përditshme i dhanë kontribut çështjes sonë madhore kombëtare tha z.Suma.
Kjo atmosferë festive vazhdoi deri në orët e vona të pasditës .
Zyra për informim
