Hani i Elezit 24.11.2012
Në Komunën e Hanit të Elezit, kremtimet me rastin e “28 Nëntorit”, 100 vjetorit të Pavarësisë së Shqipërisë, Ditëlindjes së Komandantit Legjendar Adem Jashari dhe Daljes Publike të UÇK-së, sivjet janë më madhështore se asnjëherë më parë.
Komuna përkatësisht Drejtoria për Kulturë, Rini dhe Sport, bartëse e aktiviteteve, po punon me dinamikë të shtuar në finalizimin e punëve përgatitore që këtë datë të rëndësishme historike ta festoi me aktivitete të shumta kulturore, argëtuese .
Ashtu si në të gjitha qendrat ku jetojnë shqiptarët , po bëhen përgatitjet duke mbushur rrugë e sheshe me flamuj kuq e zi dhe organizime të ndryshme për të festuar 100 vjetorin e pavarësisë së Shqipërisë.
E për të zyrtarizuar fillimin e festës së madhe u kujdesën fëmijët e shkollës fillore të mesme të ulët ,,Ilaz Thaçi” nga Hani të Elezit të cilët me një flamur të përmasave 6×4.5 punuar nga arsimtarja e artit figurativ Bukurie Shkreta, parakaluan rrugëve të qytetit, për të ndalur para objektit të komunës për të performuar një program të shkurtër artistik dhe më pas në mënyrë simbolike këtë flamur ia dhuruan komunës së Hanit të Elezit.
Në anën tjetër edhe komuna e Hanit të Elezit në vendkalimin kufitarë me Republikën e Maqedonisë ka ngritur një flamur madhështorë të përmasave 10×6 të vendosur në shtyllë me gjatësi prej 30m.
Kryetari i komunës Rufki Suma tha se jemi duke e përgatitur edhe agjendën për manifestimin qendrorë e cila do të mbahet me datë 28.11.2012 me ç’rastë presim që qytetarëve tanë do të ju ofrojmë një atmosferë të denjë për këtë festë madhështore.
Zyra për Informim
