Me rastin e festës më të madhe kombëtare 28 Nëntorit-Ditës së Flamurit Kombëtar Shqiptarë, qytatarët e komunës së Hanit të Eezit e shënuan të mbuluar me flamuj kuq e zi.
Komuna e Hanit të Elezit në bashkëpunim me Ambasadën e Republikës së Shqipëris në Kosovë këtë ditë e shënuan me aktivitete kulturore që këtë datë të rëndësishne kombëtare të tubohemi në gji të flamurit të Skenderbeut duke udhëtuar në histori për të kujtuar personalitetet dhe veprat e tyre nga të cilat sot gëzojmë gjuhën,flamurin, shtetin dhe identitetin kombëtar.
Këtë festë në komunën e Hanit të Elezit me prezencën e tyre e nderuan Ambasadori i Republikës së Shqipërisë në Republikën e Kosovës, z, Qemal Minxhozi dhe Ambasadori i Republikës së Shqipërisë në Republikën e Maqedonis z.Fatos Reka.
Manifestimi kryesorë është mbajtur në Shtëpinë e Kulturës ‘Imri Curri”.
Duke ju uruar mirëseardhje në këtë ditë të shënuar kombëtarë, Kryetari i Komunës Rufki Suma tha se 28 Nëntori ka qenë, është dhe do të mbetet edhe në të ardhmen si festa më e rëndësishme e kombit shqiptarë, ngase me këtë datë, por në periudha të ndryshme gjatë historisë kanë ndodhur ngjarjet më të rëndësishme kombëtare.
28 Nëntori i vitit 1443 qe njeherit njihet edhe si nentori i parë, kur heroi ynë kombëtarë ngriti për herë të parë flamurin kombëtar me shqiponjën dykrenare në Krujë.
Kemi 28 Nëntorin e dytë që njihet si Nëntorin e Ismail Qemalit, kur u ngrit flamuri kombëtarë në Vlorë dhe Shqipëria u shpall shtet i pavarur e sovran.
Po ashtu dashti zoti e po te njejten datë ne vitin 1955 ne Prekaz te Skenderajt, lindi komandanti ynë legjendar Adem Jashari, për të vazhduar 42 vite me pas nga bashkluftëtarët e tij, ku me 28 Nëntor te vitit 1997 në varrimin e mësuesit Halit Geci, në Llaushë te Skenderajt doli në skenë Ushtria Çlirimtare e Kosovës e cila vazhdoi luftën e saj deri në çlirimin e Kosovës më 12 qershor te vitit 1999.
Të nderuar qytetar, të nderuar te pranishëm, edhe pse kjo datë në kalendarin e festave në Kosovë nuk njihet si festë zyrtare, megjithate, për ne shqiptarët kjo festë do të mbetet si festa më e rëdësishme kombëtare, deri në bashkimin e të gjitha trojeve shqiptare që është dëshirë dhe vullnet i të gjithë shqiptarëve kudo qe janë tha Kryetari Suma.
Me një fjalë rasti kushtuar kësaj date të rëndësishme kombëtare, foli z Shaban Çupi.
E madhe dhe e lume është kjo ditë, kurë Shqipëria feston në Shqipëri festën e sajë, festën e flamurit, festën e kombit; festë kjo e ngjizur në mundin dhe sakrificën e pashoq të nënave, baballarëve, atdhetarëve, heronjve dhe heroinave të kombit shqiptarë.
Historike është kjo ditë e cila ndërlidhë natyralisht, besnikërisht dhe organikisht tri kohë; Luftën e Gjergjit në Krujë, Ismail Qemalin në Vlorë dhe Ushtrinë Çlirimtare me Adem Jasharin në Kosovë. Që të tria këto kohë të ndërthura e të ndërlidhura, kishin një synim të qartë kombëtarë, krijimin e shtetit shqiptar.
Dita e sotme, nuk i përngjan ditës së djeshme. Në këtë rrjedh, as shqiptarët e Shqipërisë së Flamurit, nuk janë në gjendjen siç ishin vite e dekada më parë. Kjo përfundimisht është mirë, por duhet të bëhet edhe më mirë dhe për këtë besoj se pajtoheni të gjithë. Duhet të bëhemi edhe më flamur, duhet të bëhemi edhe më Shqiptarë, duhet dhe gjithsesi duhet të bëhemi edhe më shtet, duhet dhe gjithsesi duhet të bëhemi edhe më Shqipëri!
Në vazhdën e manifestimeve për shënimin e Ditës së Flamurit apo shpalljes së Pavarësisë së Shqipërisë më 28 nëntor 1912, manifestime po mbahen e do të mbahen kudo në hapësirën e kombit shqiptar, andaj ne qytetarët e komunës së Hanit të Elezit, jemi të nderuar që në mesin tonë sot, kemi Ambasadorin e Republikës së Shqipëris në Republikën e Kosovës, z.Qemal Minxhozi dhe Ambasadorin i Republikës së Shqipërisë në Republikën e Maqedonis z.Fatos Reka tha z.Çupi.
Ndërsa Ambasadori Republikës së Shqipërisë në Republikën e Kosovës, z.Qemal Minxhozi në fjalën e tijë para pjesmarrësve tha se të jeshë në Han të Elezit në këtë ditë feste duhet të kesh guxim.Të kesh guxim të jesh prezent në zemrën e patriotizmit në Kosovë, në zemrën e Patriotizmit në Shqipëri. Në këtë vendë të mbuluar me flamuj Kuq e Zi ndjehet një respekt i veqantë për flamurin dhe kombin.Është një respekt i lartë për dëshmorët e kombit është ndjenja e të qenit në vendlindje. Sa herë që më pyesin se kur do të ndodhë bashkimi kombëtarë unë kam një përgjigjeje, ajo është duke ndodhur qdo ditë, në ekonomi, kulturë, zhvillim e shumë fusha tjera.Sa ma shumë që të bashkohemi nën flamurin e Bashkimit Evropian jemi më afër që të largojmë edhe atë copë hekuri që na ndau për shumë shekuj tha Ambasadori Minxhozi.
Në këtë festë të madhe Ambasadori z.Qemal Minxhozi dhe Ambasadorit z.Fatos Reka të shoqëruar nga përfaqësues të institucioneve dhe anëtarëve të familjeve të dëshmorëve vizituan Varrezat e dëshmorëve në Puset e Nikës për të vendosur buqetë lule dhe për tu përkulur para veprës së madhe të Dëshmorëve të Hanit të Elezit.
Gjatë vizitës në Puset e Nikës musafirët e lartë vizituan edhe shtëpinë ku ishte e vendosur Shtabi i Brigadës 164 “Gafurr Loku” dhe aty takuan të gjitha familjet e Dëshmorëve të Hanit te Elezit për të revokuar mbi ngjarjet e rëndësishme të luftës së UÇK-së në trevat e Hanit të Elezit si dhe vizituan fermën e Fadil Bravës.
