Qytetarët e komununës së Hanit të Elezit me mjë protestë masive shprehën indinjatën e tyre lidhur me zhvillimet e fundit në Republikën e Maqedonisë.
Në protestën e cila ishte e organizuar në mënyrë spontane nga të rinjët e Hanit të Elezit iu bashkuan qindra qytetarë për tu solidarizuar me bashkëkombasit në Shkup, Tetovë, Dibër Gostivarë e vendbanimet tjera shqiptare kundër padrejtësive të shprehura në kohën e fundit dhe sidomos me rastin e denimit të 6 shqiptarëve në rastin “Mostra”.
Turma e protestuesëve e cila e protesën e filloi nga qendra e Hanit të Elezit, parakaloi gjatë rrugës Magjistrale Prishtinë –Shkup për tu vendosur në vendkalimin kufitarë në Han të Elezit dhe gjatë gjithë kohës ushtonte nga brohoritjet në shenjë të përkrahjes për shqiptarët e Maqedonisë.
Në emër të këshillit organizativ protestuesve iu drejtua Valon Berisha i cili tha se:
“Në qytetarët e Komunës së Hanit të Elezit me keqardhje dhe shqetësim të madhë jemi duke përcjellur ngjarjet e fundit në Shkup dhe vendbanimet e tjera Shqiptare ku u keqtrajtuan qindra protestues, qytetarë shqiptarë të cilët reaguan kundër dënimit të 6 shqiptarëve nga gjykata maqedone me dënim të përjetshëm në rastin “Monstra”.
Sot ne të tubuarit, qytetarë të komunës së Hanit të Elezit po shprehim protestën tonë për veprimet e shtetit maqedonas për procese të montuara politike siç është rasti i denimit të qytetarve shqiptarë me denim të përjetshëm.
Veprimi i pushtetit maqedonas kundër shqiptarve nuk është i pari, por ajo po ndodh në vazhdimësi, si tentim i pasuksesëshëm i nënshtrimit të shpirtit të madh shqiptar, duke kulmuar me rastin e fundit të quajtur “Monstra”, ku pa asnjë provë, të rinjtë shqiptar dënohen me burg të përjetshëm.
Jemi tubuar këtu që tu ju themi njëherë e përgjithmonë, të lirohen të gjithë djemtë tanë që janë burgosur pafajësisht në Shkup, jo vetëm rasti i fundit Monstra, por të gjitha rastet e tjera që kanë ndodhur. Këto duhet të marrin fund, jemi popull paqëdashës që nuk nxisim urrejtje ndaj të tjerëve, nuk jemi as popull sundues.
Kërkojmë të respektohet populli shqiptar në Maqedoni.
Vëllezërit tanë në territoret etnike shqiptare në Maqedoni kanë shumë arsye që të vazhdojnë protestat dhe të mos i ndalin ato. Mosbindja qytetare, rezistenca civile paqësore ka dhën rezultate në arritjen e lirive dhe të drejtave njerëzore dhe kombëtare për shumë popuj të botës.Në Maqedoni, shkeljet sistematike e të drejtave të njeriut është duke vazhduar edhe në ditët e sotme.Diskriminimi në arsim, në përdorimin e gjuhës shqipe, pjesëmarrje jo e barabartë e të punësuarve në administratën e shtetit, në Polici, Ushtri, në sistemin e drejtësisë, përdorimi i simboleve nacionale, janë arsye të mjaftueshme që të protestohet e të protestohet deri sa të arrihen qëllimet që shqiptarët të jenë të barabartë dhe shtet formues në Republikën e Maqedonisë.
– Kërkojmë nga organizatat vendore dhe ndërkombëtare që të vendosen në mbrojtjen e të drejtave dhe lirive të njeriut, që të vendosen kundër reagimit brutal të policisë maqedone kundër një proteste që kishte qëllime paqësore.
– Kërkojmë nga faktori ndërkombetar që të merret më seriozisht me problemin e shqiptarëve në Maqedoni sepse shumë lehtë mund të vie deri te destabilizimi i rajonit e cila me mundin dhe sakrificën e të gjithve është riparuar deri diku pas luftimeve të fundit në territoret e ish jugosllavisë.
-Ftojmë Qeverinë e Shqipërisë dhe Qeverinë e Kosovës, që të koordinohen me faktorët politik-shoqëror shqiptarë në IRJM, në mënyrë që të kemi një strategji kombëtare në zbatimin e plotë të “Marrëveshjes së Ohrit” mbi të drejtat e Shqiptarëve në Maqedoni.
Në qytetarët e Hanit të Elezit do të jemi gjithmonë të gatshëm për një bashkëpunim ndërkufitar të Hanit te Elezit me komunat fqinje të Maqedonisë, por vetëm në një frymë të rrespektimit të të drejtave të shqiptarëve në Maqedoni mund të vie deri te bashkëpunimi i sinqert ndërkufitar i Hanit të Elezit me komunat fqinje të Maqedonisë
Duke qenë në përcjellje të vazhdueshme të situatës nga ky tubim kërkojmë:
– Gjykim me monitorues ndërkombëtar, të rastit të quajtur “Monstra”
-Përdorimin e Gjuhës Shqipe dhe të Drejtave të Shqiptarëve në përputhje me Kushtetutën.
-Lëvizjen e lirë e qytetarëve në dy anët e kufirit pa pasaporta.
Duke përtshëndetur edhe pjesëmarrjen e kryetarit të komunës Rufki Suma në këtë protestë z.Berisha tha se qëndrimet nga ky tubim protestues do ti dorëzohen kryetarit Suma që në mënyrë institucionale të ja dorëzon Ambasadës së Republikës së Maqedonisë në Prishtinë.
Ndërsa Kryetari i komunës Rufki Suma i cili përgëzoi të rinjët e Hanit të Elezit për organizimin e kësaj proteste masovike dhe dinjitoze tha se kjo protestë ka për qëllim solidarizimin e juaj me popullatën shqiptare në Maqedoni e cila padrejtësisht po keqtrajtohet nga pushteti maqedon.
Ju me protestën tuaj paqësore po dëshmoni edhe një herë se populli shqiptarë ku do që është dinë të protestojm i qetë, dinjitozë dhe i disiplinuar. Sot po ngrisim zërin e protestës kundër zhvillimeve në maqedoni në mënyrë që edhe atje të respektohen të drejtat e të gjithë qytetarëve dhe në mënyrë të barabartë. Jo të ndodhë ashtu siç ka ndodhë ditëve të fundit kur protesta e qytetarëve maqedon ku djegën pasurit e shqiptarëve në prezencën e policisë maqedone dhe nuk merret as edhe një masë. Mirëpo kur janë në pyetje protesta e komunitetit shqiptarë, edhe atëherë kur kërkesat janë të drejta siç ishin protestat e fundit për ti treguar pushtetit maqedon se kanë vepruar në mënyrë të gabuar kundër grupit të shqiptarëve të cilët u denuan me burgim të përjetshëm, atëherë veprimi i pushtetit është brutal ashtu siç po i shohim në mjetet e informimit .
Të gjitha këto kërkesa të juaja të drejta do ti përcjelli përmes Ambasadës së Maqedonisë në Prishtinë në mënyrë që të ju tregojmë se ne si popull jemi një dhe do të reagojmë dhe veprojmë ndaj të gjithë padrejtësive kudo që të ndodhin, tha ndër të tjera kryetari i komunës Rufki Suma para protestuesve.
Zyra për informim
