Hani i Elezit 17.02.2014
Manifestimet me rastin e shënimit të 17-Shkurtit “Ditës së Pavarësisë së Republikës së Kosovës” në komunën e Hanit të Elezit filluan me homazh në Kompleksin e Varrezave të Dëshmorëve në Puset e Nikës. Përfaqësues të institucioneve publike, subjekteve politike e qytetarë, vendosën buqetë lulesh dhe u përkulën para përmendores së dëshmorëve të Hanit të Elezit në këtë ditë të shënuar të vendit tonë.
Manifestimi Qendrorë është mbajtur në ora 15.00 para shtëpisë së Kulturës “Imri Curri” në Han të Elezit.
Para shumë pjesëmarrësve të cilët ishin tubuar për të marrë pjesë në këtë festë të pranishmëve iu drejtua Nënkryetari i komunës Menduh Vlashi .
Në fjalimin e tij z.Vlashi tha se kam nderin që sot të ju drejtohem në emër të administratës të Komunës së Hanit të Elezit dhe të ju uroj 17 Shkurtin përvjetorin e gjashtë të Pavarësisë së Kosovës
Fillimisht dua të përshëndes dhe të ju dëshirojë mirëseardhje familjeve të Dëshmorëve të cilët dhanë bijtë dhe bijat më të mira që ne sot të jemi të lirë dhe të kremtojmë e festojmë përvjetorët e Pavarësisë, të përshëndes Veteranët, ish oficerët, ushtarët dhe invalidët e UÇK-së, përfaqësuesit e FSK-së, Policisë së Kosovës, përfaqësues të subjekteve politike, të nderuar qytetarë të pranishëm.
Historia e kombit Shqiptarë ka shumë data të lavdishme të ngjarjeve me rëndësi historike me të cilat u shënuan përpjekjet tona për liri dhe pavarësi.
Me këtë rast, ne duhet të hedhim një vështrim në historinë tonë me plot dhimbje në mënyrë që të nderojmë e të respektojmë në radhë të parë të gjithë ata, të cilët luftuan dhe u sakrifikuan për të drejtat që ne gëzojmë sot, për të gjithë ata që u përpoqën me zemër e me shpirt, që vuajtën dhe u përndoqën, sepse kërkuan që vendi dhe populli i ynë të jetë i lirë dhe i pavarur.
Sot në përvjetorin e gjashtë të pavarësisë së shtetit tone, atë po e ndërtojmë me shumë vështërsi e sakrifica, por me bindje se jemi në rrugë të mirë që gjeneratave që do të vijnë të ju lëmë në trashëgimi një shtet modern të përparuar e stabil.
Ne qytetarët e komunës së Hanit të Elezit kemi shumë të drejtë që ti gëzohemi përvjetorëve të pavarësisë së Kosovës. Treva jonë kontribuoi me luftë e me gjak të Dëshmorëve tanë, ndërsa sot po kontribuojmë edhe pas luftës në ndërtimin e komunës sonë por edhe të shtetit tonë.
Jemi thellë të bindur se këto ditë të shënuara janë ditët që kanë ndryshuar historinë e kësaj shoqërie në një realitet të ri, në liri të cilën ne të gjithë e gëzojmë përditë e më shumë
Dëshmorët e UÇK-së, të cilët pushojnë në kompleksin memorial të varrezave të Dëshmorëve në Puset e Nikës, bijë të kësaj komune, së bashku me të gjithë Dëshmorët anë e këndë Kosovës janë gurthemeli mi i çmuar i këtij shteti.
Dëshmoret janë ata qe duhet të na bashkojnë te gjithëve, pasi ata luftuan për një ideal të shenjte, për të krijuar një atdhe të denjë për të jetuar në liri dhe pavarësi.
Të nderuar pjesëmarrës, Republika e Kosovës, 15 vite pas Çlirimit dhe në përvjetorin e gjashtë të Pavarësisë e njohur nga shtete më të mëdha dhe më me ndikim më botë, po ecën ngadalë drejt synimit madhorë qe të jemi anëtarë e Kombeve të Bashkuara me të drejta të plota dhe të barabarta si të gjitha shtetet dhe kombet e lira.
Të nderuar qytetarë, këtë përvjetor po e shënojmë edhe me një varg projektesh kapitale për komunën e Hanit të Elezit duke investuar në Infrastrukturë, Arsim,Shëndetësi, Shërbime Publike,po ndërtojmë një administratë të plotë dhe funksionale.
Me planet dhe projektet tona dëshirojmë të jemi në secilën pjesë të komunës sonë, që të ndikojmë në mirëqenien e secilit qytetare.
Të nderuar pjesëmarrës,në emër tim dhe në emër të administratës së komunës së Hanit të Elezit, Ju uroj Festën e Pavarësisë së Kosovës,
LAVDI të rënëve, nderim luftëtarëve, Urime Dita e Pavarësisë
Manifestimi Qendrorë me rastin e shënimit të “Ditës së Pavarësisë” është përmbyllur me program festiv të përgatitur nga SHKA “SHARRI” nga Hani i Elezit dhe SHKA “Drita e Dervenit” Saraj-Shkup.
Zyra për Informim
