Hani i Elezit 11.06.2014
Hani i Elezit shënoi 11 Qershorin, Ditën e Çlirimit, 15-vjetorin e ditës më të rëndësishme të historisë më të re për këtë komunë dhe për Kosovën, ditën kur u hap një kapitull i ri për popullin e Kosovës, kur përfundimisht iu dha fund shtypjes, dhunës dhe gjenocidit dhe ditën kur popullit dhe këtij vendin iu kthye dinjitetit.
Shënimi i kësaj dite filloi edhe me një datë të veçantë, atë të shënimit të 40 vjetorit të Aktivitetit të Shoqërisë Kulturore Artistike “Sharri” nga Hani i Elezit.
Anëtarë, veteranë, artëdashës, përfaqësues të institucioneve publike si dhe veprimtarë të kësaj shoqërie u tubuan në Shtëpinë e Kulturës “Imri Curri” për të marrë pjesë në përurimin e Librit Monogarafik të autorit Shaban Çupit e cila i dedikohej 40 viteve të aktivitetit të Shoqërisë Kulturore Artistike “Sharri” nga Hani i Elezit.
Fjalë përshëndetëse dhe urim për këtë përvjetorë tha kryetari i komunës Rufki Suma i cili edhe vetë ishte aktivist shumëvjeqarë, duke u zotuar për përkrahje institucinale të kësaj shoqërie.
Një pasqyrim më të detajuar për jetën kulturore dhe artistike në komunën e Hanit të Elezit e prezantoi Drejtori i DAK-së Irfan Qajani.
Ndërsa për autorin e Librit Monogarafik, z.Shaban Çupit, të 40 viteve të aktivitetit të Shoqërisë Kulturore Artistike “Sharri” nga Hani i Elezit, ky publikim ka qenë një sfidë jo e vogël për të përshkruar një aktivitet 40 vjeçarë nëpër të cilën kanë kaluar veprimtarë të shumtë të trevës sonë. SHKA “SHARRI” për katër dekada e zhvilloi jetën kulturore në trevën tonë nga gjiri i së cilës lindën talent të këngëve dhe valleve të cilat prezantuan vlerat muzikore të kësaj treve në hapsirat tjera shqiptare.Kjo shoqëri bëri që treva e jonë të jetë konkurente dhe të krijojë lidhje bashkëpunimi me shoqërit dhe trevat shqiptare tha ndër të tjera z.Çupi.
Me rastin e këtij përvjetori me “Mirënjohje” u nderuan ata që nëpër kohë të ndryshme ishin bartësit e kësaj shoqate, Nuriman Kuka(1974-1981), Adem Shkreta PM(1981-1984), Faruk Daci(1984-1990), Rufki Suma(1990-1997), Fadil Curri(1999-2001), Rexhep Shkreta (2001-2003),Sherif Berisha(2003-2005), Nejazi Dernjani (2005-2006), Mehmet Ballazhi (2006-2007), Nuredin Çupi(2008-2009) dhe Muharrem Rrogaqi nga viti 2012.
Për kontributin e dhënë kësaj shoqërie me mirënjohje u nderuan edhe Koreografi nga Tropoja Deli Metaliaj si dhe kompozitori Skënder Doshlani.
Shënimi i 11 Qershorit, Ditës së Çlirimit të Hanit të Elezit, filloi me Homazhë në Kompleksin e Varrezave të Dëshmorëve në Puset e Nikës. Përfaqësues të institucioneve publike në krye me kryetarin e komunës Rufki Suma, FSK-së, Policisë së Kosovës, Shoqatave të daluar nga Lufta e UÇK-së, subjeteve politike, shoqatave të sindikatave e të sportit, vendosën kurorë lulesh në varrezat e dëshmorëve dhe me përkulje e respekt nderuan veprën e dëshmorëve të Hanit të Elezit.
Ndërsa manifestimi qendrorë me rastin e Shënimit të Ditës së Çlirimit u mbajtë para shtëpisë së kulturës “Imri Curri” të mbushur me pjesmarrës nga të gjitha trevat shqiptare.
Duke përshëndetur të pranishmit në këtë manifestim madhështorë, kryetari i komunës Rufki Suma tha se në këtë ditë, me respekt të thellë kujtojmë të gjithë ata që bënë sakrificën sublime që ne sot të jemi të lirë dhe të pavarur, që kulmoi me luftën e popullit për çlirim nën udhëheqjen e Ushtrisë së lavdishme Çlirimtare të Kosovës”.
15 vjet më parë, forcat të Ushtrisë Çlirimtare të Kosovës të Brigadës 164”Gafurr Loku” marshuan triumfalisht në Hanin e Elezit duke iu dëshiruar mirëseardhje forcave shumëkombëshe të NATO-s . Në këtë ditë të shënuar, ne kujtojmë të gjithë ata që ranë për lirinë dhe pavarësinë e Kosovës, kujtojmë dëshmorët e shumtë, martirët dhe nderojmë të gjithë ata që dhanë jetën në shërbim të paqes dhe lirisë sonë. I jemi mirënjohesë sakrificës sublime të popullit tonë dhe mbështetjes së fuqishme ndërkombëtare, në momentet historike nëpër të cilat kaluam së bashku tha z.Suma.
Në emër të OVL-UÇK të pranishmëve iu drejtua z.Mehmet Ballazhi i cili duke përshëndetur të pranishmit tha se ndjehet i nderuar me këtë pjesëmarrje masive në shënimin e Ditës së Çlirimit të Hanit të Elezit. Kam knaqësi të veçantë dhe privilegjë të marrë fjalën në emër të OVL-UÇK-së dhe të ju përshëndes dhe të ju urojë për këtë ditë të madhe, ditë çlirimi,që sot ne në bazë të vlerave të luftrave çlirimtare sot po festojmë këtu. Vlerat e UÇK-së e sidomos të Brigadës 164”Gafurr Loku” krijuan një mundësi që qytetarët e Hanit të Elezit sot të festojnë .
Pjesa e programit kulturorë e artistik e manifestimit me rastin e Ditës së Çlirimit ishte më e pasur se as një herë më parë. Shënimit të kësaj dite përveç programit të anëtarëve të SHKA”Sharri” të cilët sot kishin edhe jubileun e tyre, e pasuruan edhe Vëllezrit Curri e Naxhat Kumnova, Sevërxhane Laçi, Nejazi Thaqi, veteranja e SHKA “Sharri” Shengyle Berisha, ndërsa atraksion të jashtzakonshëm prezantuan Ansambli i këngëve dhe valleve turko-shqiptar nga Bursa e Turqisë të cilët iu bashkuan kremtimit të festës. Performanca e tyre si dhe përshëndetje e përzemërt e kryetarit të kësaj shoqate drejtuar qytetarëve të Hanit të Elezit me rastin e Ditës së Çlirimit u përcjellën me duartrokitje dhe ovaciona nga të pranishmit.
Zyra për Informim
