Hani i Elezit 24.08.2011
Menaxhimi i mbeturinave në Komunën e Hanit të Elezit është njëri ndër problemet më akute me të cilat po përballen si qytetarët ashtu edhe ekzekutivi i komunës.
Për këtë arsye që në fillim të vitit është formuar një grup punues i cili në bashkëpunim me LOGOS- Inter-cooperation kishte për detyrë të përgatitë një elaborat gjithpërfshirës se si të menaxhohet ky problem si për momentin aktual ashtu edhe në afat më të gjatë kohorë.
Pikërishtë për këtë arsye sot ky grup punues dhe expertët e LOGOS-it kishin një takim pune ku është bërë edhe një,, Analizë Financiare dhe Plani Operacional” i Menaxhimit të mbeturinave.
Në bazë të të dhënave të mbulueshmëris me këtë shërbim të komunës së Hanit të Elezit si dhe analizës së mbeturinave e bërë në Marsë të këtij viti, ky grup punues tashmë ka disa referenca për të bërë një dokument të funksionimit të një Kompanie Publike në Komunën e Hanit të Elezit.
Shërbimet e tanishme mbulojnë 25% të familjeve dhe 80% të territorit të komunës.
Analizat e mostrave të mbeturinave tregon se në 1449 familjet e komunës, gjenerohen 0.25kg mbeturina për person, prej nga del vlerësimi se mbeturinat vjetore që duhet menaxhohen janë 856 tonë.
Përbërja e mbeturinave në krahasim me të dhënat e raportuara në Publikimin e Agjencisë Kosovare për Mbrojtjen e Ambientit është se në nivel vendi kemi 35.30% mbeturina organike ndërsa në Komunën e Hanit të Elezit 35.78% , që është vlerë e përafërt por edhe parametrat e tjerë janë të përafërta.
Ky grup punues morri parasysh edhe disa faktorë që mundë të ndikojnë në këto projeksione si;rritjen vjetore te popullatës dhe bizneseve,tarifat e diferencuara të pagesës për shërbime,kostot fillestare dhe rritjet vjetore,vlerësimin e gjenerimit të mbeturinave të reciklueshme .
Sipas këtyre shënimeve dhe analizës së përmbledhjes së kostos operacionale dhe duke i marrë parasysh të gjitha projeksionet e mundshme grupi punues është duke i analizuar disa skenarë të mundshëm, dhe me një përmbledhje të kostos investive, rezultoi se për funksionimin normal të një kompanie publike komunale do të duhen afro 70.000€ .
Grupi punues do të vazhdoj të hulumtoj edhe modalitete për një grumbullim sa më efektiv të të hyrave që do të jenë edhe faktorë kyç për një funksionim normal të kompanisë publike.
Zyra për Informim
