Kjo është një Thirrje e Hapur për Propozime. Aplikantët që kërkojnë grante ndihmëse për financimin e projekteve të pranueshme për NMVM-të, janë të ftuar të dorëzojnë Formularin e plotë të Aplikimit. Në vazhdim të vlerësimit dhe të Aplikacionit të plotë, një kontroll i para kualifikimit do të bëhet për ata të cilët janë përzgjedhur përkohësisht për përkrahje. Ky kontroll do të ndërmerret në bazë të dokumenteve të kërkuara nga Autoriteti Kontraktues dhe duke nënshkruar "Deklaratën e Aplikuesit" dërguar së bashku me formën e aplikimit.
Projekti Grante Për NMVM -të i kontribuon përpjekjeve të Bashkimit Evropian dhe të Qeverisë së Kosovës, përkatësisht të Ministrisë së Tregtisë dhe Industrisë, në rritjen e zhvillimit ekonomik, zhvillimin e sektorit privat dhe tregtisë ndërkombëtare në Kosovë, duke përmirësuar konkurrencën në vend si dhe funksionimin e ndërmarrjeve dhe forcimin e bazës së tyre prodhuese, si dhe gatishmërinë e tyre për eksport. Ky projekt është poashtu duke plotësuar një projekt tjetër të promovuar nga MTI dhe të financuar nga BE në kuadër të IPA Granteve 2013 që synon zhvillimin e tregtisë dhe zhvillimin e sektorit privat, nëpërmjet mbështetjes së politikave tregtare dhe rritjen e konkurrueshmërisë dhe eksportit me dhënien e granteve për NMVM-të.
Projekti Grante për NMVM-të, i financuar nga Zyra e BE-së në Kosovë dhe Ministria e Tregtisë dhe Industrisë dhe implementuar nga Organizata Ndërkombëtare për Migrim – misioni në Kosovë (IOM) , parashikon zbatimin e skemave të granteve për dy kategori të veçanta të ndërmarrjeve në Kosovë: në një anë Ndërmarrjeve Mikro dhe në anën tjetër të Ndërmarrjeve të Vogla dhe të Mesme .
Përkufizimi i Ndërmarrjeve Mikro të Vogla dhe të Mesme të përdorura nga Kosova është në përputhje me përkufizimin bazë të BE-së i cili përcakton madhësinë e ndërmarrjeve sipas gjenerimit të punësimit: ndërmarrjet si Mikro Ndërmarrje cilësohen ato që janë themeluar së paku për një vit dhe punëson nga 1 deri në 9 persona; ndërmarrje të vogla dhe të mesme janë apo cilsohen ato ndërmarrje të themeluara prej të paktën 2 vjetësh dhe që punësojnë 10 deri në 250 persona.
Prandaj në kuadër të projektit Grante për NMVM-të dhe të Thirrjes për Propozime, fondet janë të shpërndara në mes të dy loteve të ndryshme të përshtatura në bazë të nevojave dhe kapaciteteve të përfituesve të ndërmarrjeve, me karakteristikat e përcaktuara në paragrafin e mëposhtëm
Ju njoftojme po ashtu se afati i fundit për dorëzimin e aplikacioneve është shtyer deri me 30 Maj 2014. Për më shumë informata kliko Linkun
