Hani i Elezit 04.12.2013
Forca e Sigurisë së Kosovës me ligjeratën e prezantuar para nxënësve të shkollës fillore "Veli Ballazhi" në fshatin Gorancë, ka përfunduar ciklin e ligjërimit në shkolla fillore dhe të mesme të Komunës së Hanit të Elezit, për vetëdijesimin e nxënësve nga rreziku për minat dhe mjetet e tjera të pashpërthyera.
Duke e parë rrezikun që minat dhe mjetet e tjera të pashpërthyera, paraqesin rrezikun më të madh, për qytetarët e Kosovës e sidomos për nxënësit dhe fëmijët, edhe këtë vit FSK-ja , kanë filluar ligjërimet në shkollat fillore dhe shkollat e mesme
Ky aktivitete behet edhe me i rëndësishëm, kur dihet fakti se në komunën e Hanit të Elezit për shumë vite me radhë janë zbuluar, eliminuar dhe asgjësuar numër shumë i madh i këtyre mjeteve. Si pasojë e minave dhe mjeteve të tjera të pashpërthyera, që nga pas lufta kanë humbur jetën apo kanë marrë lëndime trupore fizike shumë banorë të komunës së Hanit të Elezit.
Instruktorët e kësaj fushate, pjestarët e FSK-së, rreshterët Isa Palushi, Afrim Qusaj dhe Selajdin Kalisi, njoftuan nxënësit, për llojet e minave dhe kasetë bombave, dukjen figurative, ngjyrat dhe materialin e ndërtimit, rrezikun e tyre për njerëzit, si dhe veprimin e tyre, në rast të hasjes së mjeteve të pashpërthyera, që zgjuan interesim të madhë të nxënësve prezent.
Lidhur me rëndësinë e këtij aktiviteti Zyrtarët e FSK-së njoftuan edhe kryetarin e komunës Rufki Suma.
Major Mejdi Maloki dhe Kapiten Sejdi Krasniqi njoftuan kryetarin Suma se njësitet e specializuara të deminimit do të vazhdojnë ligjërimet për vetëdijesimin nga minat dhe mjeteve te tjera të pashpërthyera duke potencuar pasojat që kanë shkaktuar këto mjete që nga lufta e këndej.
Për kryetarin Suma ky aktivitet i FSK-së është jashtëzakonisht i qëlluar dhe falënderoi pjesëtarët e FSK-së për angazhimet e tyre në shumë aktivitete, duke theksuar në veçanti autoritetin dhe respektin të cilën e gëzojnë pjesëtarët e FSK-së ndër banorët e komunës së Hanit të Elezit.
Pjesëtarët e FSK-së pas përfundimit të aktiviteteve, bënë Homazh në Kompleksin e Varrezave të Dëshmorëve në Puset e Nikës.
Zyra për Informim
