Hani i Elezit 11.07.2013
Me qëllim të implementimit të “Marrëveshjes së Mirëkuptimit” ndërmjet Ministris për Forcën e Sigurisë së Kosovës dhe komunës së Hanit të Elezit, sot në fshatin Paldenicë filluan punimet për realizimin e projektit-Hapja,Trasimi dhe Zgjerimi i rrugës Paldenicë –Neqavcë –Dremjak dhe rrugës Puset e Nikës – Rezhancë
Qëllimi i kësaj marrëveshje është përkrahja e Forcës së Sigurisë së Kosovës për komunën e Hanit të Elezit në realizimin e projektit të hapjes, trasimit dhe zgjërimit të segmentit rrugorë Paldenicë –Neqavcë –Dremjak si dhe të segmentit rrugorë Puset e Nikës – Rezhancë.
Sipas marrëveshjes, FSK-ja është zotuar se me pajisjet teknike dhe me personelin e nevojshëm do të bëjë hapjen, trasimin dhe mbushjen e këtyre dy segmenteve rrugore me gjatësi prej rreth 6 km dhe me gjërësi 3-5 m.
FSK-ja në bashkëpunim me zyrtarët komunal do të bëjnë ekzekutimin e punimeve në traset e parapara duke u zotuar se punimet në këto projekte do të realizohen në afat optimal.
Kryetari i komunës Rufki Suma tha se për të realizuar këtë projekt të rëndësishëm për komunën e Hanit të Elezit, jemi zotuar se do të krijojmë të gjitha parakushtet e nevojshme për implementimin e këtij projekti si dhe do të sigurojmë karburantin e nevojshëm për paisjet e angazhuara të FSK-së. Kryetari Suma me këtë rastë shprehu respekt dhe falënderim në emër të banorëve të komunës së Hanit të Elezit për FSK-në e cila përkundër shumë angazhimeve pati mirëkuptim për të realizuar këtë projekt.
Këtë Marrëveshje Mirëkuptimi në emër të Ministrisë për Forcën e Sigurisë së Kosovës e nënshkroi Sekretari i Përgjithshëm z.Shkelzen Syla dhe Kryetari i Komunë së Hanit të Elezit Rufki Suma.
Zyra për Informim
