Në vigjilie të shënimit të festës së madhe 28-Nëntorit Ditës së Flamurit, fshati Dërmjak me një Manifestim përkujtimorë shënoi 102 Vjetorin e Masakrës të ndodhur nga armata e tretë serbe.
Banorë të fshatit Dërmjak, dhe të vendbanimeve tjera të komunës së Hanit të Elezit dhe më gjërë si dhe përfaqësues të institucioneve publike të tubuar para plakës përkujtimore të Dëshmorëve të kësaj maskre përkujtuan këtë ngjarje të rëndësishme historike të kësaj treve.
Në emër të këshillt të fshatit Dërmjak të pranishmëve iu drejtua z.Shaip Curri i cili tha se” me këtë Manifestimin Përkujtimiorë me rastin e 102 vjetorit të Masakrës së Dërmjakut duke kujtuar të kaluarën dhe historinë tonë, ne ia kujtojmë vetës obligimet që kemi ndaj të gjithë atyre që ranë, u sakrifikuan dhe kontribuan për lirinë.
Treva jonë kontriboi me luftë e me gjakë të Dëshmorëve tanë, dhe para të cilëve përulemi me respektin më të madh sepse ata u vendosën në mbrojtje të popullit duke na e sjellë lirinë aq të mirëpritur. Ngjarjet dhe zhvillimet e vitit 1912 shënuan kthesën historike dhe vendimtare të krijimit të shtetit shqiptarë dhe kjo pëmendorë është dëshmija më e mire e kontributit të kësaj treve në përpjekjet shekullore të kombit tone në ndërtimin e shtetit Shqiptarë tha z.Shaip Curri.
Ndërsa kryetari i Komunës Rufki Suma para të pranishmëve tha se historia e kombit Shqiptarë ka shumë data të lavdishme të ngjarjeve me rëndësi historike me të cilat u shënuan përpjekjet tona për liri dhe pavarësi. Dhe një nga ato data është edhe kjo datë e shënimit të Masakrës së Dërmjakut. Me pushtimin e Kaçanikut më 26 tetor 1912 forcat e Armatës së Tretë Serbe ndahen në disa drejtime dhe vazhdoi vrasjet dhe masakrat në fshatrat e këtyre anëve – Llanishtë, Gjurgjedell, Dërmjak, Paldenicë, Seçishtë, etj. Më 27 tetor 1912 një njësit i Armatës së Tretë serbe pushtoi Llanishtën.Ushtria serbe në rrugën e gjenocidit e vazhdoi edhe mbi popullatën shqiptare në fshatin Dërmjak të Hanit të Elezit. Dhe në këtë përmendore janë emrat e të vrarëve dhe faqet e përgjakura të historisë sonë kombëtare të cilë janë të skalitura në këtë pllakë përkujtimore.
Rrethanat historike dhe politike diktuan që kjo ngjarje të mbetet e heshtur por kurrë e harruar.Aq më tepër kjo ngjarje ka rënduar ngase këtu mbeti krimi dhe emri i kriminelit Gjeneral Jankoviç, dhe u dashtën 100 vite që ma në fundë me përpjekje institucionale edhe me ligj të hiqet nga përdorimi,dhe eshtrat e këtyre martirëve të kombit të prehen në paqe tha z.Suma.
Shënimi i 102 Vjetorit të maskers së Dërmjakut sot ishte edhe rast i përurimit të realizimit të projektit të ndërtimit të rrugës Hani i Elezit –Dërmjak. Sot po përurojmë rrugën Hani i Elezit –Dërmjak.Kjo rrugë është më tepër se një investim në një projekt, është investim për ardhmërin e këtij fshati,është mirënjohje për kontributin e komunitetit të këtij fshati për të gjitha sakrificat gjatë histories së kësaj treve tha kryetari Rufki Suma.
Me këtë rast këshilli i fshatit Dërmjak falënderoi të gjitha ata që kontribuan në ndërtimin e rrugës Hani i Elezit –Dërmjak. Këshilli i fshatit me këtë rast nderoi me “Mirënjohje” për kontributin e tyre Kryetarin e komunës Rufki Suma, Shefket Topojanin dhe Baki Currin.
Manifestimin Përkujtimiorë me rastin e 100 vjetorit të Masakrës së Dërmjakut dhe përurimit të rrugës Hani i Elezit Dërmjak u përmbyll me program kulturorë e muzikorë.
Zyra për informim
