Hani i Elezit 21.10.2014
Kryetari i komunës së Hanit të Elezit Rufki Suma priti sot në takim pune z.Adrian Hasanaj, Drejtor i “Fondacionit Kosovë- Luksemburg” me bashkëpunëtorët e tij.
Drejtori i “Fondacionit Kosovë- Luksemburg”, z.Hasanaj e njoftoi kryetarin Suma se Qeveria e Luksemburgut do të vazhdojë të përkrahë Kosovën dhe në rastin konkret përmes këtij fondacioni do të përkrahen katër komuna të Kosovës, Hani i Elezit, Kaçaniku,Vitia dhe komuna e Kllokotit.
Ai tha se përmes këtij fondacioni komunat do të përkrahen në tri fusha dhe atë të Arsimit, Zhvillimit Ekonomik si dhe në përkrahjen e komunitetit.Sipas tij komunat partnere në këtë projekt do të nënshkruajnë marrëveshje bashkëpunimi e cila do të zgjasë deri në fund të vitit 2016. Fondi i këtij projekti do të jetë 2 Milion euro ndërsa komunat partnere do të konkurojnë me projekte konkrete në fushat e planifiuara për bashkëpunim tha z.Hasanaj.
Ndërsa kryetari i komunës Rufki Suma falënderoi z.Hasanaj që “Fondacioni Kosovë –Luksemburg” ka përzgjedhur komunën e Hanit të Elezit si partnere në këtë projekt.Kryetari Suma i cili në takim ishte i shoqëruar nga drejtorët për Buxhet dhe Financa, Shabi Rexhallari, Arsim, Irfan Qajani, Zhvillim Ekonomik, Sevime Laçi dhe Drejtori i Bujqësisë Hajredin Gashi tha se tre vite të bashkëpunimit me “Caritas”-in e Luksemburgut kanë lënë gjurmë të rëndësishme në zhvillimin e përgjithshëm të komunës së Hanit të Elezit. Përvoja e fituar nga ky bashkëpunim do të jenë ndihmesë e madhe në identifikimin dhe hartimin e projekteve konkrete me të cilat shpresojmë të kemi bashkëpunim të frytshëm.
Kryetari Suma tha se komuna e Hanit të Elezit është plotësisht e gatshme që të japë kontributin e sajë që “Fondacioni Kosovë –Luksemburg” të implementohet në përputhje me objektivat e saja .
Zyra për Informim
