Nënkryetari i Komunës së Hanit të Elezit Menduh Vlashi priti në takim z.Rron Tresi përfaqësues nga Organizata Ndërkombëtare për Migrim (IOM) z.Musa Bajraktari dhe Nexhmi Mustafa përfaqësues të SH.P.K “Olti Trasing” kompani e cila do të implementon projektin“Fasadimi dhe renovimi i objektit të komunës së Hanit të Elezit” dhe z.Mehmet Mulaku Përgjegjës në ZKP- Kaçanik.
Komiteti drejtues i projektit “BE- Kosova e Bukur Faza e II-të (BE-KB II)” pas vlerësimit të projekt- propozimit të dorëzuara nga ana e Komunës së Hanit të Elezit dhe në përputhje me kriteret e vendosura ka aprovuar projektin:
“Fasadimi dhe renovimi i objektit të komunës së Hanit të Elezit”
Programi BE- Kosova e Bukur Faza e II-të (BE-KB II) është një projekt i financuar nga BE-ja, menaxhuar nga Zyra e Bashkimit Evropian në Kosovë (Zyra BE-së) dhe implementohet nga Organizatës Ndërkombëtare për Migrim (IOM).
Qëllimi i takimit ishte fillimi i imlementimit të projektit “Fasadimi dhe renovimi i objektit të komunës së Hanit të Elezit”.
Në takim ku ishin present edhe Drejtori i DSHMS-së Musafer Dernjani dhe Drejtori i DUKMM-së Miqail Vila u dakorduan për fillimin e punimeve si dhe dinamikën e realizimit të këtij projekti.
Projekti “Fasadimi dhe renovimi i objektit të komunës së Hanit të Elezit” do të mundësojnë krijimin e vendeve afatshkurtëra dhe afatmesme të punës dhe gjat implementimit do të angazhojnë përqindjen e kërkuar të fuqisë punëtore nga listat e referimeve të ofruara nga qendrat për punësim, duke i kushtuar vëmendje të veçantë përfituesve të papunë afatgjatë të regjistruar në Zyrën Komunale të Punësimit dhe gjithashtu atyre që përfshihen në kategorinë II të asistencës sociale.
Objektivi i përgjithshëm i Programit BE-KB II është që të kontribuojë në uljen e varfërisë nëpërmjet rritjes së mundësive ekonomike për popullsinë e Kosovës, veçanërisht për grupet e margjinalizuara në përputhje me Strategjitë e Zhvillimit Kombëtar dhe Rajonal dhe planeve të implementimit.
Së paku 30% e vlerës së projektit do të jetë e dedikuar për fuqi punëtore përmes krijimit të vendeve pune afatshkurtëra dhe afatmesme.
Në këtë projekt bazuar në kriteret e aprovuara nga ZKP-Kaçanik janë pëzgjedhur 40 punëtorë të cilët për pesë muaj do të jenë të angazhuar në këtë projekt.
Vlera financiare për realizimin e këtij projekti është 196.000.oo€ dhe pritet të realizohet për pesë muaj.
Zyra për informim
