Me hapjen e themeleve edhe zyrtarisht filloi ndërtimi i Qendrës për Punë Sociale dhe Zyrës për Punësim në komunën e Hanit të Elezit.
Ky projekt me rëndësi shumë të madhe po ndërtohet falë ,,Marrëveshjes së Mirëkuptimit” ndërmjet komunës së Hanit të Elezit dhe Ministrisë së Punës dhe Mirëqenies Sociale.
Qëllimi i kësaj marrëveshje mirëkuptimi është ekzekutimi i tërësishëm i projektit për ndërtimin e objektit të QPS-së dhe Zyrës së Punësimit në Komunën e Hanit të Elezit.
Në marrëveshjen në fjalë është paraparë që objektit t’i shtohet edhe pjesa e podrumit e cila do të jetë pjesë përbërëse e këtij projekti për të cilën komuna e Hanit të Elezit do ti participojë me shumën e nevojshme dhe do të shfrytëzohet për nevojat e shërbimeve komunale.
Ky projekt i cili është vlerësuar si madhorë si për MPMS-në po ashtu edhe për komunën e Hanit të Elezit do të realizohet në bazë të projektit të hartuar nga MPMS-ja .
Vlera e përgjithshme e kontratës për realizim e këtij projekti është 154,970.oo € ndërsa implemntuese do të jetë Kompania ,,PERSPEKTIVA & CTA” nga Kamenica.
Me fillimin e implementimit të këtij projekti komuna e Hanit të Elezit po fiton një objekt shumë të rëndësishëm publik tha kryetari i komunës Rufki Suma.
Me ndërtimin e Qendrës për Punë Sociale do të mundësohet kujdes më i shtuar për të gjitha kategoritë sociale të komunës sonë, në anën tjetër me hapjen e zyrës së punësimit do të inkurajojmë të gjithë të rinjët dhe të papunët në komunën tonë që të paraqiten në këtë zyre dhe që komuna si institucion të jetë në gjendje që në vazhdimësi të përcjellë strukturën e të papunëve në mënyrën që në planifikimet afatgjata të ju përgjigjet punëkërkuesve me projekte dhe investime tha z. Suma
Ai shfrytëzoi rastin që të falënderon MPMS-në për mirëkuptimin që komuna e Hanit të Elezit kishte për një objekt të këtij karakteri shumë funksionalë duke shpresuar se ka ende hapësirë për bashkëpunim dhe projekte të përbashkëta ndërmjet MPMS-së dhe komunës së Hanit të Elezit.
Zyra për Informim
