Sot në të gjitha shkollat e komunës së Hanit të Elezit filloj me sukses viti i ri shkollor.
E me këtë rast, nxënësit, mësimdhënësit dhe prindërit kanë marrë shumë urime për këtë fillim.
Një urim, ata e kanë marrë edhe nga Kryetari i komunës Rufki Suma i cili vizitoi të gjitha shkollat e komunës për të uruar dhe dëshiruar shëndet dhe suksese për fillimin e vitit të ri shkollorë. Kryetari Suma duke uruar për një nismë të mbarë dhe suksesi të gjithëmbarshëm, tha se ky vit shkollor do ti gjejë të gjithëve me angazhim për rezultate sa më të mira dhe angazhim i plotë i të gjitha institucioneve tona që do t’u mundësojë fëmijëve tanë një shkollim sa më cilësor.
Arsimi dhe edukimi mbeten prioritet për komunën e Hanit të Elezit. Jemi të përkushtuar si institucion të punojmë përherë në ngritjen e cilësisë, sepse vetëm kështu, kur të përfundoni, do të bëheni të aftë dhe konkurues në tregun e madh të dijes dhe të punës, duke qenë përkrah bashkëmoshatarëve tuaj në mbarë Kosovën, tha kryetari Suma në takim me maturantët e Shkollës së Mesme “Dardania”.
Kryetari Suma i shoqëruar nga Drejtori i DKA-së Irfan Qajani urim të veçantë, përcollën edhe për të gjithë nxënësit që sot ulen për herë të parë në bankat shkollore, si ditë e veçantë në jetën e tyre, në sfidë për dije e zhvillim të ri.
Ndërsa Drejtori i DKA-së Irfan Qajani tha se Drejtorija Komunale në bashkëpunim me drejtorët e shkollave, i ka bërë të gjitha përgatitjet që viti i ri shkollor 2014/2015 të fillojë më 1 shtator.
Ai ka thënë se tashmë ka filluar shpërndarja e teksteve sipas planit dinamik nëpër shkollat e komunës.Të gjitha shkollat numërojnë gjithsej 1813 nxënës prej të cilëve 380 në shkollën e mesme “Dardania”. Ndërsa, për here të parë janë regjistruar 161 nxënës.Me këta nxënës do të punojnë 100 mësimdhënës.
Zyra për informim
