Hani i Elezit 04.09.2012
Nënkryetari i komunës së Hanit të Elezit Muzafer Dernjani shoqëruar edhe nga bashkëpunëtor të tjerë të komunës vizitoi nxënësit në shkollat fillore dhe të mesme për të parë nga afër fillimin e mësimit për vitin e ri shkollorë 2012/13.
Nesim Dernjani Drejtorë i DKA-së theksoi se në komunën e Hanit të Elezit në të gjitha shkollat mësimi ka filluar ashtu siç ishte planifikuar me orarin e MASHT-it.
Në komunën tonë përgatitjet për fillimin e vitit shkollorë janë bërë me kohë, si lyrja e objekteve shkollore, pastrimi i tyre, pranimi i teksteve shkollore nga ministria e arsimit për nxënësit e komunës sonë dhe përzgjedhja e kuadrit mësimdhënës në institucionet edukativo-arsimore. Në aspektin e përmirësimit të infrastrukturës kanë përfunduar punimet në renovimin e një pjese të kulmit të Shkollës së Mesme ,, Dardania”. tha z. Dernjani.
Këtë vit , 2010 nxënës do të ulën në bankat shkollore. Prej tyre 150 fëmijë do të nisin mësimin në klasën e parë, 1410 në shkolla të mesme të ulëta dhe 450 nxënës në shkollat e mesme të larta.
E veçanta e këtij viti të ri shkollor sivjet është se për herë të parë nxënësit e klasës së parë në Kosovë e Shqipëri do të mësojnë nga e njëjta abetare.
Me rastin e fillimit të vitit të ri shkollor 2012/2013, ministri i Arsimit, Shkencës dhe Teknologjisë Ramë Buja, ka uruar të gjithë nxënësit, mësimdhënësit dhe prindërit.
Në urim ndër të tjera thuhet : ‘Ne tani po fillojmë vitin e ri shkollor, andaj shfrytëzoj rastin që t’iu them se Ministria e Arsimit, Shkencës dhe Teknologjisë ka bërë të gjitha përgatitjet që ky vit shkollor të jetë me fillim të suksesshëm, vazhdimësi të suksesshme dhe me përfundim të suksesshëm.
Zyra për Informim
