Hani i Elezit 24.09.2013
Me përfundimin e punëve përcjellëse të rregullimit të anësoreve dhe ujëmbledhësve si dhe të punimeve tjera të cilat ishin të parapara në kuadër të projektit “ Asfaltimi i rrugës Lagje e Re- Pustenik” sot filloi asfaltimi i shtresës së dytë të këtij segmenti rrugorë”
Finalizimi i këtij projekti brenda dinamikës kohore si dhe kornizave financiare shënon edhe një të arritur të madhe në infrastrukturën e përgjithshme të komunës së Hanit të Elezit, që pritet të ketë ndikime të drejtpërdrejta dhe afatgjatë në zhvillimin e komunës dhe mirëqenien e banorëve të kësaj ane.
Vlera financiare e këtij projekti kapital është 492.994.60 € ndërsa ishte projektuar që të realizohet për dy vite.
Në kuadër të këtij projekti me një “Aneks Marrëveshje” ndërmjet të komunës së Hanit të Elezit dhe MI-së është mundësuar edhe realizimi i asfaltimit të rrugës nga Lagje Bush të fshatit Pustenik me këtë rrugë.Për realizimin e këtij aneksi MI-ja ndihmoi komunën në vlerë prej 46.880 € me të cilat kostoja financiare e investimit arrin vlerën prej 539.875.00 €.
Rëndësia e kësaj rruge është shumë dimenzionale, duke filluar nga aspekti i kompletimit të infrastrukturës rrugore në komunën e Hanit të Elezit, hapjen e perspektivës për një zhvillim të qëndrueshëm të kësaj pjese të komunës sonë në fusha të ndryshme të zhvillimeve në sektorin e bujqësisë dhe blegtorisë si dhe perspektiva e zhvillimit të turizmit, atij kulturorë dhe historik duke pasur parasysh Kompleksin Memorial të Varrezave të Dëshmorëve në fshatin Pustenik .
Për të përcjellur zhvillimet në realizimin e këtij projekti shumë të rëndësishëm për komunën e Hanit të Elezit ishin prezent kryetari i komunës Rufki Suma dhe nënkryetari Muzafer Dernjani të cilë morrën zotimin nga implementuesi se punimet do të përfundojnë brenda afateve të planifikuara.
Zyra për informim
