Hani i Elezit 31.08.2012
|
Duke marrë parasysh shkallën e lartë të papunësisë në Republikën e Kosovës si dhe nevojën për krijimin e vendeve të punës në planin afatshkurtër ,zhvillimi i programeve të punëve publike, është zgjedhur si një prej masave të rëndësishme në realizimin e politikave të përcaktuara në ,, Strategjinë e punësimit (2010-2012) e hartuar nga Ministria e Punës dhe Mirëqenies Sociale. Në kuadër të Strategjisë së punësimit përmes programit ,,Punë Publike 2012” Komuna e Hani të Elezit ka konkuruar me disa projekte dhe njëri ndër ta ishte edhe projekti Shtrimi i rrugës me kubëza betoni – Ura e Fejzës – Rrafshe – Meliq. Duke vlerësuar se projekti ,, Shtrimi i rrugës me kubëza betoni – Ura e Fejzës–-Rrafshe – Meliq” është në përputhje me këtë strategji të MPMS-së, kryetari i komunës së Hanit të Elezit , Rufki Suma dhe Ministri i MPMS-së Nenad Rashiç nënshkruan ,,Marrëveshje të Mirëkuptimit” për implentimin e këtij projekti. Sipas kësaj marrëveshje MPMS-ja do të financojë këtë projekt në vlerë prej 130.000.oo € ndërsa Komuna do të iniciojë procedurat për përzgjedhjen e kontraktorit për implementimin e projektit si dhe do të bënë mbikëqyrjen e punimeve dhe monitorimin teknik të vend punimeve. Komuna e Hanit të Elezit pas nënshkrimit të marrëveshjes dhe në pajtim me Ligjin e Prokurimit Publik ka zhvilluar procesin e tenderimit duke përzgjedhur kompaninë NNP,,Bardhi “ Gjilan dhe ,,Tre Company” nga Hani i Elezit si kontraktuese për implementimin e këtij projekti. E veçanta e këtij projekti është se 40 % e vlerës financiare do të shkojë në punësim të përkohshëm të punë kërkuesve e cila është realizuar përmes zyrës së punësimit në bazë të kritereve të përcaktuara me marrëveshjen e nënshkruar. Mbi tridhjetë punëtorë të skemës sociale do të punojnë në këtë projekt dhe do të marrin paga mujore deri në fund të implementimit të këtij projektit. Komuna e Hanit të Elezit do të bënë të gjitha përpjekjet për të garantuar që projekti do të arrin efektet e kësaj marrëveshje , rregullimin e infrastrukturës si dhe të punësimit, që është edhe synim i këtij projekti tha kryetari i komunës Rufki Suma.
Zyra për Informim |
