Hani i Elezit 13.05.2014
Komuna e Hanit të Elezit në bashkëpunim me Programin e Mbështetjes së Planifikimit Hapsinorë Komunal (MuSPP), i financuar nga shteti Suedez përmes Sida-s dhe implementuar nga UN HABITAT-i, i filluan punimet në realizimin e projektit për rregullimin rrugës Shkolla Fillore “Ilaz Thaçi”-Dheu i Bardhë
Projekti i rregullimit të rrugës nga Shkolla Fillore “Ilaz Thaç” deri të Dheu i Bardhë është dizajnuar nga ekipi komunal i planifikimit dhe zyrtari i planifikimit lokal të MuSPP/UN-HABITAT në vitit 2013 gjatë së cilës ka pasur disa takime lidhur me identifikimin dhe përzgjedhjen e projektit, si dhe pas konsultimeve mes Komunës dhe UN-HABITAT, me ç’rastë është rënë dakord për të implementuar këtë projekt propozimi për përmirësimin e gjendjes brenda zonës urbane.Rregullimi i rrugës veriore do të mundësojë nxënësve të pjesës veriore të qytetit një qasje më të mirë dhe më të lehtë për në shkollën fillore “Ilaz Thaçi”. Rregullimi i kësaj rruge do të shërbej edhe për banorët e asaj zone që do të përmisonte lidhjen e pjesës veriore drejt hapësirave të qendrës së qytetit.Rregullimi i një zone të caktuar në oborrin e shkollës që do të përmisonte hapësiren shkollore, me qëllim kryesor nevojat e fëmijëve të moshës parashkollore.Sigurimi i qasjes më të mirë për nxënësit dhe qytetarët drejt objektit dhe hapsirave të shkollës fillore dhe funksionet e tjera urbane si dhe përmirësimi i cilësisë së mjedisit të zonës se identifikuar për të promovuar qëndrueshmërinë e mjedisit jo vetëm në siperfaqet e përmisuara, por edhe brenda tërë komunës.
Në hapjen e punimeve për realizimin e këtij projekti kryetari i komunës Rufki Suma tha se ky projekt po realizohet pas konsultimeve me të gjithë të interesuarit relevant për implementimin sa më të suksesëshëm të këtij projekti. Për këtë qëllim janë konsultuar banorët e Lagjes përkatëse, Zyrtarë dhe nxënës të shkollës, zyrtarë komunal dhe përfaqësues të UN Habitat-it për të dhënë komentet lidhur me propozimin, dizajnimin dhe implementimin me sukses të projektit.
Kryetari Suma shfrytëzoi rastin që të falënderoj Programin e Mbështetjes së Planifikimit Hapësinorë Komunal (MuSPP), i financuar nga shteti Suedez përmes Sida-s dhe implementuar nga UN HABITAT-i për përkrahjen në bashkëfinancimin e këtij projekti si dhe në bashkëpunimin e shkëlqyer shumëvjeqarë me këtë program.
Kostoja financiare për realizimin e këtij projekti është 62.065.oo€ dhe do të implementohet nga Kompanija “KRAS” nga Hani i Elezit.
Zyra për Informim
