Hani i Elezit – 16.02.2011
Komuna e Hanit të Elezit në bashkëpunim me institucionet shkollore sot organizuan një manifestim rasti për të shënuar 17 Shkurtin Ditën e Pavarësis të Republkës së Kosovës.
Ishte e vogël salla e shtëpisë së kulturës për ti zënë të gjtë ata qytetarë të cilët kishin ardhë që për një momentë të ndajnë këtë ditë të shënuar të historisë më të re të kombit tonë.
Ka disa momente më historinë e popujve që shënojnë ndërrimin e epokave ,17 Shkurti i vitit 2008 do të shënojë në histori Ditën e Pavarësis së Kosovës.
Sot na bashkon Tre vjetori i Pavarësis,dhe kjo datë një herë e përgjithmonë do të mbyll kapitullin e një kombi të humbur diku ne hartat e Ballkanit dhe do të shenojë ditën e përpjekjeve dhe sakrificave të shumë brezave për ta bërë Kosovën Shtet të Pavarur dhe Sovran .
Në emër të Komunës së Hanit të Elezit të pranishmit i përshëndeti nënkryetari i komunës Muzafer Dernjani ,duke i përgëzura të pranishmit për këtë datë të shënuar të kombit shqipëtarë ,dhe duke premtuar se përvjetorët tjerë do te festohen në mënyrë edhe më masovike.
Në vazhdim nxënësit e shkollave fillore dhe të mesme me një program të përgaditur kulturorë plotësuan frymën festive të kësaj dite.
Zyra për Informim
