Sot, është mbajtur takimi i parë të grupit punues për hartimin e Kornizës Afatmesme të Buxhetit (KAB) për periudhën 2026-2028. Ky takim shënon një hap të rëndësishëm drejt planifikimeve fillestare buxhetore, duke vendosur bazën për përcaktimin e prioriteteve kryesore të zhvillimit të komunës sonë. Diskutimet e zhvilluara kanë vënë theksin mbi nevojën për të hartuar një buxhet realist, të qëndrueshëm dhe që reflekton nevojat e qytetarëve.
Në kuadër të këtij procesi, planifikohet që të mbahen edhe dëgjimet buxhetore me qytetarët në lokacione të ndryshme në territorin e komunës së Hanit të Elezit. Këto dëgjime do të jenë një mundësi e mirë për të përfshirë zërin e qytetarëve në procesin e planifikimit buxhetor, duke siguruar që prioritetet dhe nevojat e tyre të merren parasysh në mënyrë sa më gjithëpërfshirëse.
Gjeni të bashkangjitur edhe linkun e orarit të dëgjimeve buxhetore:
Ky është vetëm fillimi i një procesi të rëndësishëm, ku transparenca, përfshirja dhe llogaridhënia do të jenë parimet udhëheqëse.
