Hani i Elezit 02.08.2012
Institucionet e qeverisjes lokale janë më së afërmi banorëve, në këtë mënyrë, autoriteteve vendore u nevojitet staf i aftësuar për të ofruar shërbime cilësore që në mënyre efektive ti menaxhojnë proceset zhvillimore. Në përputhje me këtë objektiv, katër ditë trajnimi u është ofruar nga Ekipi Komunal i OSBE-se mbi parimet e menaxhimit të projektit për zyrtarët komunal të Hanit të Elezit. Qëllimi i këtij trajnimi ishte përmirësimi dhe zhvillimi i performancës në qeverisjes lokale në këtë komune.Më shumë se njëzet zyrtarët komunal(përfshirë drejtorët e administratës së përgjithshme, urbanizmit, bujqësisë, ekonomisë, arsimit dhe shërbimeve publike) u trajnuan në nivelin themelor mbi menaxhimin e projekteve. Përveç kësaj, Ekipi Komunal synon të ndihmojë drejtoritë përkatëse në standardizimin e formularëve te projekteve, dhe ciklit të projekteve më qëllim të zbatimit të suksesshëm të projekteve. Gjatë trajnimit, pjesëmarrësit zhvilluan aftësitë e tyre për të menaxhuar me projekte. Ekipi Komunal i OSBE-se gjatë trajnimit aplikoi metodologjinë e kombinuar mbi njohuritë teorike dhe të menaxhimit në praktik të projekteve, duke marre shembuj konkret të rasteve të projekteve komunale. Në fund të këtij trajnimi,pjesëmarrësit kanë arritur që të kuptojnë se si menaxhohet një projekt në mënyrë të suksesshme.
Artan Binaku, menaxher i projektit tha se ideja për organizimin e këtij trajnimi ka ardhur si rezultat i vlerësimit të përbashkët të ekipit komunal të OSBE-së dhe stafit menaxherial të komunës së Hanit të Elezit me qëllim të ngritjes së kapacitetit të zyrtarëve komunal në fushën e përgatitjes së projekt propozimeve për aplikime dhe fazat e implementimit, monitorimit si dhe vlerësimit të arritshmërisë së projekteve. Ekipi Komunal i OSBE-se iu ka prezantuar disa mostra standarde të formularëve mbi menaxhimin e projekteve që do të mund shqyrtoheshin nga ekzekutivin komunal në të ardhmen.
Në ditën e fundit të kësaj punëtorie pjesëmarrës ishin edhe kryetari i komunës Rufki Suma dhe drejtori regjional i OSBE-së në Gjilan z. Ulrich Biffar.
Duke iu drejtuar pjesëmarrësve në këtë punëtori z. Suma tha se nevoja për trajnime që rezultojnë me ngritje të efikasitetit të zyrtarëve është më se e domosdoshme. Shfrytëzojë rastin të falënderojë OSBE-në që në vazhdimësi ka ndihmuar dhe përkrahur në të gjitha format në ngritjen e komunës tonë, ndërsa z. Biffar tha se vet prezenca e numrit të madh të zyrtarëve pjesëmarrës në këtë punëtori dëshmon përkushtimin e zyrtarëve për avancimin e tyre për njohuri të reja që do të kontribuonin në efikasitetin e punës së tyre.
Në pjesën solemne të kësaj punëtorie zyrtarëve pjesëmarrës iu ndanë Certifikata për pjesëmarrje në punëtorinë , ndërsa kryetari i komunës Rufki Suma për kontributin e dhënë në organizimin e këtij trajnimi, Artan Binakut menaxher i projektit i dhuroi Emblemën e Komunës së Hanit të Elezit.
Zyra për Informim
