Hani I Elezit 03.10.2011
Duke marrë parasysh nivelin e ulët të zhvillimit ekonomik ,gjenerimi i punësimit me anë të projekteve të punëve publike si formë e veçantë e ngritjes së shkallës së punësimit dhe zvogëlimit të varfërisë gjeti zbatim të plotë në Hanë të Elezit.
Komuna e Hanit të Elezit dhe MPMS kanë nënshkruar marrëveshjen e mirëkuptimit për realizimin e projektit ,, Punimi i kanalizimit nga Dheu i bardhë – Uji i thartë.
Ky projekt i cili tashmë ka filluar të implementohet do të ndihmojë infrastrukturën e Hanit të Elezit me afro tre kilometra rrjet të ri të kanalizimit fekale dhe atmosferik.
E veçanta e këtij projekti është se 40 % e vlerës kushtuese do të shkojë në punësim të përkohshëm të punëkërkuesve e cila është realizuar përmes zyrës së punësimit në bazë të kritereve të përcaktuara me marrëveshjen e nënshkruar.
Vlera e këtij projekti është 106.731.40 € dhe implementuese është NNP ,,Art Project” nga Vitia
Njëzet e pesë punëtorë të skemës sociale do të punojnë dhe do të marrin paga mujore deri në fund të implementimit të këtij projektit.
Zhvillimi i programeve për punë publike është zgjedhur si një prej masave të rëndësishme në realizimin e politikave në kuadër të ,,Strategjia e punësimit 2010-2012” e hartuar nga Ministria e Punës dhe Mirëqenies Sociale.
Zyra për Informim
