Hani i Elezit 25.06.2013
Raporti i Kosovës për indeksin e konkurrencës në komuna shpalli sot raportin vjetorë për vitin 2013.
Mjedisi biznesor në Kosovë, ka filluar të përmirësohet dukshëm gjatë vitit 2013, kjo falë ndryshimit të perceptimit të zyrtarëve komunal ndaj komunitetit biznesor. Kështu është thënë në raportin e Indeksit të Konkurrencës në Komunat e Kosovës(IKK), i përkrahur nga USAID-i dhe UBO Consulting, të cilët kanë shpërndarë certifikata për tri komunat më të përparuara për këtë vit.Në prezantimin e raportit për vitin 2013 z.Uliks Osmani president i UBO Consulting, Kosovë, tha se gjatë tri viteve të fundit, IKK,ilustron një trend pozitiv në mjedisin e biznesit, pavarësisht stagnimit ekonomik dhe vështërsive në klimën e biznesit Evropian dhe global.
Në raportin e publikur në renditjen e vitit 2013 të IKK,Novo Bërda ka shtyrë rrugën e sajë në krye të renditjes me komunën e Hanit të Elezit që performon për së afërmi në vendin e dytë për të tretin vjet rresht.
Drejtoresha e USAID-it në Kosovë, Maureen A.Shauket, ka thënë se është ndarë shumë e kënaqur me rezultatet e këtij viti krahasuar me tri vitet e kaluara. Sipas saj, e arritura më e lartë e komunave ishte transparenca, llogaridhënia dhe gjithëpërfshirja.
Ndërsa,zëvendësministri i Tregtisë dhe Industrisë,Bernard Nikaj,duke ju falënderuar donatorëve me projektet e tyre tha se Qeveria dhe Ministria e Tregtisë kanë bërë të pamundërën që të përmirësojnë biznesin afarist në Kosovë
Kryetari i Komunës së Hanit të Elezit, Rufki Suma, i cili ishte njëri ndër panelistët e kësaj konference shumë të rënëdësishme tha se komuna të cilën ai drejton ka ndërmarrë shumë masa të cilat kanë pasur për qëllim adresimin e shqetësimit të bizneseve të identifikuar nga Indeksi i Konkurrencës. Gjatë dy viteve të fundit, rezultatet e hulumtimit “Indeksi i Konkurrencës në Komunat e Kosovës”, kanë qenë udhëzuesi i mirë për autoritetet lokale e në veçanti për komunën tonë, në procesin e zhvillimit të politikave që favorizojnë operimin e bizneseve vendore, si dhe rrisin shanset për investime të jashtëm. Gjatë këtyre viteve, indeksi ka ofruar informata të nevojshmë për autoritetet lokale në shumë fusha, që për komunën tonë janë përkthyer në aktivitete konkrete për përmirësimin e mjedisit afarist. Komuna e Hanit të Elezit gjatë këtyre 4 viteve ka investuar fuqishëm në kompletimin e infrastrukturës si parakusht për zhvillim të qëndrueshëm. Kemi qasje me rrugë të asfaltuar në të gjitha vendbanimet dhe fshatrat e komunës, rrjet solid të ujësjellësit dhe kanalizimit,rrymës elektrike, telefonisë dhe internetit, kemi trajnuar stafin për përkrahje të partneritetit Publiko-Privat dhe jemi në kërkim të investitorëve për të ju ofruar të gjitha lehtësirat për zhvillim të biznesit.
Si sfidë për komunë tonë mbetët hapja e Qendrës Komunale për Biznese, institucion ky që do të bënte me të lehtë dhe më të shpejt regjistrimin e bizneseve. Për këtë qëllim, na nevojitetet mbështetja e Ministrisë së Tregëtis dhe Industrisë si dhe mbështetja e donatorëve në procesin e krijimit dhe funksionalizimit të kësaj qendre.
Ne jemi shumë të bindur që reforma në përmirësimin e mjedisit afarist duhet të vazhdoj edhe më tutje, kurse si komunë e Hanit të Elezit, në do të marrim të gjitha veprimet e nevojshme për krijimin e një mjedisi sa më të favorshëm për bizneset që operojnë në komunë tonë. Gjatë këtij procesi, autoritetet komunale do të kenë nevojë për ndihmes si në aspektin financiarë po ashtu edhe përmes ekspertizës teknike. Në këtë mënyrë, duke parë ndikimin e Indeksit të Konkurrencës së Komunave, si komunë e Hanit të Elezit, e shohim shumë të rëndësishëm vazhdimin e këtij projekti, pasi që rezultatet e këtij hulumtimi na shërbejnë si mekanizëm për monitorimin e veprimeve të ndërmarra nga vetë komunat tha kryetari Suma para pjesëmarrësve në konferencë.
Zyra për Informim
