Hani i Elezit 05.08.2013
Kryetari i Komunës së Hanit të Elezit Rufki Suma dhe Zëvendës dejtori për demokratizim dhe qeverisje Gene Gibson inaguruan përfundimin e punimeve për funksionalizimin e Qendrës së Shërbimeve për qytetarët në komunën e Hanit të Elezit.
Me renovimin e qendrës së shërbimeve për qytetarët, komuna e Hanit të Elezit do të përmirësojë transparencën,efikasitetin dhe cilësinë e shërbimeve administrative për qytetarët tha kryetari Suma pas zbulimit të pllakës e cila simbolizon investimin e përbashkët të Programit USAID-DEMI dhe Komunës së Hanit të Elezit.Projekti është financuar përmes shpërblimit për fond stimulues të cilin komuna e Hanit të Elezit e fitoi në kategorinë e Shërbimeve Administrative në vitin 2012.
Tani 10.000 banorët e Komunës së Hanit të Elezit do të kenë qasje në të gjitha shërbimet komunale në një vendë me në një hapësirë të zgjëruar dhe moderne, ndërsa stafi do të ketë një mjedis më të mire për punë tha z. Suma. Ai shfrytëzoi rastin të falënderoj Programin Demi për përkrahje të vazhdueshme dhënë komunës së Hanit të Elezit. Me këtë projekt po realizojmë edhe një standard të rëndësishëm dhe një arritje të madhe për administratën e Komunës së Hanit të Elezit tha kryetari Suma.
Ndërsa z. Gene Gibson, Zëvendës dejtori për demokratizim dhe qeverisje në aktin e ingurimit tha se Iniciativa e USAID-it për komuna demokratike dhe efektive promovon qeverisjen e mirë në Kosovë përmes projekteve të dizajnuara për përmirësimin e shkathtësive për shërbyes civil dhe bëjnë që qeveritë lokale të jenë transparente, më të përgjegjëshme dhe me qasje më të lehtë për njerzit të cilëve ju shërbejnë.
USAID ka zhvillua Fondin stimulues dhe Fondin mbështetës për të inkurajuar komunat që të lëvizin në këtë drejtim. Komuna e Hanit të Elezit me realizimin e këtij projekti ka bërë hapë të rëndësishëm në realizimin e këtij qëllimi tha z.Gibson duke uruar kryetarin Suma për angazhimin e tij për realizimin e këtij projekti dhe funksionalizimin e një qendre moderne për shërbim të qytetarëve.
Projekti i Qendrës së Shërbimeve për Qytetarët është ralizuar me 58.392.10 € prej të cilave kontribut nga DEMI janë 34.425.19€ ndërsa komuna e Hanit të Elezit ka investuar 23.966.10 €.
Zyra për Informim
