Temperaturat e ulëta dhe bora e cila që kanë goditur edhe komunën e Hanit të Elezit kanë vështërsuar qarkullimin rrugor si në rrugët lokale që lidhin qendrën e Hanit të Elezit me fshatrat dhe vendbanimet, por raportohet për vështërsi në qarrkullim edhe në rrugën Magjistrale Kaçanik –Hani i Elezit
Për të mbajtur situatën nën kontrollë, Drejtoria e Shërbimeve Publike është mobilizuar dhe në vazhdimësi po mbanë të pastruara dhe të kalueshme rrugët lokale.
Refet Kalisi, Drejtorë i Drejtorisë së Shërbimeve Publike tha se në këto momente janë të kalueshme të gjitha rrugët lokale të komunës së Hanit të Elezit. Ai tha gjendja momentale kushtëzon që kjo drejtori në vazhdimësi të jetë mobile.
Ndërsa Kujtim Dernjani zyrtarë i lartë i kësaj drejtorie tha se rrugët nga Hani i Elezit në drejtim të fshatrave Gorancë, Seqishtë, Krivenik, Pustenik, Paldenicë, Dimcë e Dërmjak janë të pastruara dhe të kalueshme por nevojitet kujdes i shtuar.
Ata thane se nuk raportohet për ndonjë rrugë të pakalueshme, ndërprerje e furnizimit me ujë të pijshëm dhe energji elektrike apo probleme të emergjencave mjekësore.
Megjithatë, komuna e Hanit të Elezit vazhdon angazhimet për normalizim të plotë të gjendjes si të rrugëve në Han të Elezit, ashtu edhe në drejtim të fshatrave dhe vendbanimeve
Në këtë drejtim, zyrtarët komunal janë angazhuar për pastrimin e borës në qasjet në institucionet publike dhe rrugëve periferike.
Këtij angazhimi të komunës së Hanit të Elezit iu bashkuan vullnetarisht edhe Kompanitë Private “Luri” dhe "Krasi" të cilat me mekanizmin e tyre pastruan rrugët e Hanit të Elezit dhe rrugët tjera ku ishte e nevojshme përdorimi i mekanizimit më të rëndë.
Zyrtarët nga kjo Drejtori u zotuan se gjatë gjithë kohës do të jenë në teren, por se apelojnë te qytetarët për kujdes të shtuar dhe në komunikacion të dalin me pajisje të domosdoshme.
