Me qëllim të ngritjes së kapaciteteve profesionale të punëtorëve shëndetësorë të QKMF “Dr.Menduh Kaloshi”, Drejtoria për Shëndetësi dhe Mirëqenije Sociale e Komunës së Hanit të Elezit, në bashkëpunim me Klinikën Emergjente të SHSKUK-së dhe Qendrës së mjekësisë urgjente në Prishtinë është mbajtur trajnimi me tëmën “Bazat themelore emergjente për shpetimin e jetës”.
Për pjesmarrësit në këtë trajnim Ligjeruan Prof.Ass.Dr.Sc. Basri Lenjani – Drejtor i Klinikes Emergjente në SHSKUK, dhe Dr.Isuf Bajrami, Shef i Qendrës Urgjente në Prishtinë.
Pjesmarrësit në këtë punëtori u vizituan nga kryetari i komunës Rufki Suma dhe Drejtori i DSHMS-së Musafer Dernjani.
Dr.Basri Lenjani në takim me kryetarin Suma shpjegoi mbi rëndësin e temës së trajnimit si dhe shprehu mirënjohje për komunën e Hanit të Elezit për gadishmërinë që të jetë pjesë e këtij aktiviteti profesional. Ai po ashtu u deklarua shumë i knaqur me kapacitetet e Qendrës Emergjente të QKMF “Dr.Menduh Kaloshi”, duke e vlerësua ndër tri qendrat më të kompletuar në nivel vendi.
Ndërsa Kryetari Suma falënderoi në emër të banorëve të komunës së Hanit të Elezit Dr.Basri Lenjani – Drejtor i Klinikes Emergjente në SHSKUK, dhe Dr.Isuf Bajrami, Shef i Qendrës Urgjente në Prishtinë për gadishmërin e tyre që sot të jenë mes punëtorëve shëndetësorë të QKMF “Dr.Menduh Kaloshi” duke i ndihmuar ata që të arrijnë kapacitet sa më të mira profesionale të cilat do ta ngrisin nivelin e shërbimeve sa më të mira për banorët e komunës së Hanit të Elezit .
Ai tha se komuna e Hanit të Elezit do të jetë përkrah punëtorëve shëndetësorë të QKMF “Dr.Menduh Kaloshi” me të gjitha kapacitetet.Kryetari Suma edhe këtë herë potencoi mungesën e mjekëve e cila në masë të madhe vështërson punën dhe shërbime sa më të mira nga kjo qendër shëndetësore.
Dr.Basri Lenjani e njoftoi kryetarin Suma se si vazhdimësi e këtij bashkëpunimi, katër punëtorë të QKMF “Dr.Menduh Kaloshi” do të vazhdojnë trajnimin në Klinikën Emergjente të SHSKUK-së.
Ndërsa Luljeta Qajani, trajnere për edukim të vazhdueshëm infermieror tha se në këtë trajnim kanë marrë pjesë 23 punëtorë shëndetësorë të QKMF “Dr.Menduh Kaloshi” dhe ka qenë shumë i mirëprituar nga ata.
