Duke u nisur nga parimet baze të Islamit, Festa e Fitër Bajramit ka porosinë te të gjithë besimtarët që të shtrijnë dorën e ndihmës ndaj skamnoreve jetimeve dhe të gjithë atyre që janë në nevojë. Kjo festë ka porosi për të gjithë besimtaret që sikurse që kryejnë obligimet fetare ndaj Zotit, të vazhdojnë edhe me vepra të mira në mënyrë që Zoti te jetë i kënaqur me solidaritetin, tolerancën e dashuria ndërnjerëzore dhe humanitetin, ngërthen në vete bamirësinë dhe ndihmën ndaj njerëzve .
Edhe kësaj radhe ka shumë individë, kompani e shoqata, të devotshëm mbi këto parime të cilët nuk kursyen që sado pak të ndihmojnë kategori të ndryshme të cilët kanë mirëpritur ndihmën e bamirësve.
Me gjithë respektin për të gjithë, do të veçojmë "Shoqata Kuvajtiane për Bamirësi” me seli në Prishtinë, e cila ndau 170 pako ushqimore dhe 7500 kg miell prej së cilës përfituan afro 200 familje, rrjeti tregtarë i këpucëve NTP”ALPINA” nga Ferizaji e cila ndau 960 palë këpucë për të gjitha moshat,dhe kjo ndihmë po realizohet qe tre vite radhazi si dhe Kompaninë “UKA-SARAJ” me 150 pako ushqimore dhe e cila për shumë vite është dëshmuar me humanitetin e sajë.
Dhe përfituese janë ata që më së shumti kishin nevojë, fëmijë bonjakë, Familje të Dëshmorëve, familje me asistencë sociale e individë me aftësi të kufizuara.
I gjithë ky aktivitet ishte i koordinuar me kryetarët e fshatrave dhe vendbanimeve të cilët hartuan listat e nevojtarëve, Shoqatës “Hendikos” dhe Bashkësisë Islame të komunës së Hanit të Elezit në mënyrë që kjo ndihme sa do modeste të arrijë në familjet e duhura.
Duhet të theksohet se tërë ky aktivitet humanitarë si shumë e shumë vite me radhë është ndihmuar nga aktivisti humanitarë Isa Shkreta.
Në emër të Komunës së Hanit të Elezit dhe në emër të të gjithë atyre që përfituan nga kjo ndihmë, një falënderim të sinqertë
Zoti e shtoftë pasurinë e tyre.
Zyra për informim
