Hani i Elezit 06.03.2013
Me rastin e 15-vjetorit të rënies heroike të Komandantit Adem Jashari dhe familjes së tij, dhe në kuadër të manifestimi memorial “Epopeja e UÇK-së”, në Prekaz ka qëndruar edhe një delegacion i Komunës së Hanit të Elezit i kryesuar nga Kryetari i Komunës Rufki Suma.
Me këtë rast delegacioni nga Komuna e Hanit të Elezit ka bërë homazhe në varrezat e dëshmorëve në kompleksin memorial në Prekaz, me ç’rastë vizituan edhe familjen Jashari, ku u pritën nga kryefamiljari, z.Rifat Jashari.
Gjatë këtij takimi Baci Rifat ka shprehur falënderime për nderimet që i bëhen kësaj familje nga shqiptarët nga të gjitha trojet Shqiptare, ndërsa Kryetari Suma ka shprehur respektin dhe nderimin që kanë qytetarët e Komunës së Hanit të Elezit për familjen Jashari dhe admirimin për Komandantin Legjendarë Adem Jasharin, i cili me jetën e tij e shkroi pjesën më të lavdishme të historisë më të re shqiptare.
Në shënimin e 15 vjetorit të rënies së komandantit Legjendar, Adem Jasharit dhe familjes së tij, kryetari i komunës Rufki Suma i shoqëruar nga ish ushtarë të UÇK-së dhe pjestarë të FSK-së kanë bërë homazhe edhe tek varrezat e dëshmorëve në Puset e Nikës.
Zyra për Informim
