Përfaqësuesit e Komunës së Hanit të Elezit me në krye Kryetarin e Komunës z. Rufki Suma, si pjesë e një delegacion të zgjeruar përfaqësuesish të pushtetit lokal të 6 komunave të Kosovës, në kuadër të vizitës studimore të organizuar nga Instituti për Qeverisje Lokale në Kosovë u pritën nga Kryeministri i Republikës së Shqipërisë z. Sali Berisha.
Delegacioni i përbërë nga 32 anëtarë, kryetarë dhe nënkryetarë komunash, kryetarë të kuvendeve komunale të 6 komunave të Kosovës, po zhvillojnë një vizitë studimore në Shqipëri në kuadër të një programi në fushën e qeverisjes lokale, nga Instituti për Qeverisje Lokale në Kosovë.
Delegacioni kryesohej nga z. Besnik Tahiri, Drejtor Ekzekutiv i Institutit.
Ata e njohën Kryeministrin e Republikës së Shqipërisë z. Sali Berisha me qëllimin e vizitës së tyre, bashkëbisedimin me drejtues të qeverisjes qendrore e lokale, në mënyrë që të njihen me zhvillimet dhe reformat që Shqipëria ka ndërmarrë në tërësi në procesin e integrimit Europian, si dhe me reformat për konsolidimin dhe zgjerimin e përgjegjësive të pushtetit lokal.
Pas vizitës në Republikën e Maqedonisë dhe Shqipërisë ,delegacioni Kosovarë do të vazhdoj për vizitë edhe në Republikën e Malit të Zi me qëllim të shkëmbimit të përvojave dhe reformat themelore në forcimin e kapaciteteve dhe kompetencave të pushtetit lokal.
Zyra për Informim
