Hani i Elezit 13.02.2012
Drejtoria për Buxhet dhe Financa e Komunës së Hani të Elezit e mbështetur nga projekti LOGOS,
NJOFTON – QYTETARËT,
se me qëllim të ngritjes së transparencës të shpenzimit të parasë publike si dhe ngritjes së nivelit të pjesëmarrjes së qytetarëve në procesin e vendimmarrjes, në përmbyllje të vitit fiskal 2011, do të diskutoj hapur me qytetarë rreth ekzekutimit të buxhetit gjatë vitit 2011.
Debati publik mbahet më 15 shkurt 2012 ( e mërkure) me fillim në ora 13.00, në lokalet e restorant “ALBA”,
Në debat marrin pjesë përfaqësues të institucioneve komunale, projektit LOGOS, partive politike, këshillave të fshatrave, bizneset, profesor, arsimtarë, përfaqësues të bashkësive fetare, shoqatave dhe organizatave jo qeveritare, mediave etj.
Buxheti komunal i Hanit të Elezit, mbushet përmes taksave dhe tatimeve nga vetë qytetarët, prandaj diskutimi i hapur rreth formave të shpenzimit të këtij buxheti, është një obligim ligjor për institucionet dhe i mirëseardhur për qytetarët. Ky diskutim i shërben ngritjes së disiplinës financiare në komunë, ngritjes së cilësisë në realizimin e projekteve kapitale dhe rritjes se përgjegjësisë se qytetareve ne realizimin e obligimeve ndaj komunës.
Prandaj, të nderuar qytetarë, pjesëmarrja e juaj në këtë debat është e mirëseardhur dhe i kontribuon të ardhmes më të mirë
Ky debat publik organizohet në bashkëpunim me Projektin Zvicër –Kosovë, për qeverisje lokale dhe decentralizim LOGOS, që implementohet nga Helvetas Intercooperation dhe financohet nga Agjencia për Zhvillim dhe Bashkëpunim (SDC) e qeverisë së Zvicrës.
Zyra për Informim
