Hani i Elezit 08.05.2014
Përfaqësues të institucioneve të komunës së Hanit të Elezit, musafirë të ftuar,arësimtarë, prindër e nxënës e shumë qytetarë të komunës së Hanit të Elezit, me një manifestim rasti shënuan e Ditën e Shkollës së Mesme të Lartë “Dardania”.
Me fjalë përshëndetëse dhe mirëseardhje, pjesëmarrësve iu drejtua drejtori i shkollës z.Zyber Xhoni. Ai me këtë rast tha se, shënimi i përvjetorëve të kësaj shkolle për çdo vit e më shumë po shënojmë edhe të arritura në procesin edukativ e arsimorë si dhe investimet e bëra në institucionet shkollore të komunës së Hanit të Elezit në përgjithësi, dhe investimet në Dardani në veçanti.
Ndërsa historikun e themelimit të kësaj shkolle të arriturat dhe sfidat e këtij institucioni edukativo arsimorë e prezantoi profesoresha Fevzije Berisha.
Ajo tha se Shkolla e Mesme “ Dardania” në Han të Elezit është themeluar me iniciativën e subjekteve politike dhe qytetarëve arsimdashës me 11.06.1995.
Këshilli nismëtarë bëri kërkesën për pavarësimin e kësaj shkolle e cila deri në këtë vit funksiononte si paralele e ndarë e shkollës së mesme ,,Skenderbeu” në Kaçanik.
Me propozim të këshillit të shkollës dhe me vendim të Ministrisë së Arsimit me 10.05.1997 shkolla e mesme në Hanë të Elezit u emërua ,,Dardania” tha znj. Berisha.Shkolla e mesme ,,Dardania“ nga viti shkollorë 2005/06, procesin edukativo arsimorë e zhvillon në objektin e ri e cila ka 2000 metra katrorë me 14 dhoma mësimi dhe hapësira përcjellëse, e pajisur me kabinet të informatikës, pajisje për mirëmbajtje teknike, ndërsa me projektin e bashkë investimit të Komunës së Hanit të Elezit dhe USAID-it të gjitha klasët janë të pajisura me projektorë ndërsa arsimtarët me llaptop,gjë që janë krijuar kushtet për zhvillim të procesit arsimorë në frymën e teknologjisë informative moderne.
Për nderë të kësaj dite nxënësit e kësaj shkolle u prezantuan me një program të pasur kulturorë e artistik, si dhe ekspozita e artit figurativ të profesoreshës të artit figurativ Bukurie Kempffer Shkreta si dhe punimeve të nxënësve të kësaj shkolle.
Për kontributin e dhënë shkollës së Mesme “Dardani” me mirënjohje u nderuan;
Kolegji Universum “Aga Xhide” Ferizaj
Komandanti i Stacionit Policor në Han të Elezit z. Nuhi Dema
Veprimtarin dhe afaristin nga Hani i Elezit z.Rexhep Luri
Zyra për Informim
