Hani i Elezit 18.11.2013
Nxënësit e nxënëset e Shkollës së Mesme të Lartë ”Dardania” nga Hani i Elezit kurorëzuan suksesshëm edhe një aktivitet humanitar. Të shtyrë nga bindja e domosdoshmërisë për ti ndihmuar atyre që kanë nevojnë ata vullnetarisht dhuruan gjak.
Aksionit për dhurim vullnetar të gjakut i janë përgjigjur 21 nxënës të kësaj shkolle.
Zyrtarët nga Qendra Kombëtare e Transfuzionit të Gjakut, kan deklaruar se shumë nxënës i janë përgjigjur aksionit vullnetar për dhurim të gjakut në këtë shkollë. Gjak kanë dhuruar nxënësit e klasave të 12 dhe 13 të moshës mbi 17 vjeç e gjysmë të cilët njëkohësisht kanë mësuar edhe grupin e gjakut dhe kanë marrë kartonët për dhurimin vullnetar të gjakut.
Ndërsa drejtori i shkollës z.Zyber Xhoni tha se se gjatë një dite kanë qenë shumë nxënës të cilët kanë shprehur gadishmërin për të dhuruar gjak. “Ka një rritje të dëshirës tek nxënësit për të dhuruar gjak, është një vetëdijesim që duhet përshëndetur, pasi tani e dinë se për kënd dhurojnë, për shokë, miq e familjarët e tyre që do të kanë nevojë”.
Zyra për Informim
