Policia e Kosovës me një aktivitet rasti sot në komunën e Hanit të Elezit shpërndau Certifikatat për 10 nxënë pjesë të projetit “Shtatori i Sigurt” i realizuar nga Policia e Kosovës dhe nënësit e shkollës “Ilaz Thaçi “ në Han të Elezit.
Në këtë aktivitet ishte prezent Gazmend Hoxha Drejtorë i Drejtorisë Rajonale të Policisë – Ferizaj, Nuhi Dema Komandant i Stacionit Policorë në Han të Elezit, Nënkryetari i Komunës Menduh Vlashi,Kryesuesi i kuvendit Qamush Brava dhe zyrtarë të policisë së Kosovës dhe të Komunës së Hanit të Elezit.
Policia e Kosovës me projetin “Shtatori i Sigurt” ka synuar parandalimin e aksidenteve dhe vetëdijesimin e fëmijëve-nxënësve në aspektin edukativ për rreziqet që mund të hasin në komunikacionin rrugor dhe me qëllim për të zvogëluar shkallën e numrit të aksidenteve rrugore me theks të veçantë në zvogëlimin e numrit të aksidenteve me këmbësorë.
Lidhur me këtë aktivitet si dhe numrin e nxënësve pjesëmarrës në këtë projekt të pranishmit i njoftoi Komunadanti i stacionit Policorë Nuhi Dema.
Ai tha se trajnimet teorike i kanë ndjekur mbi 300 nxënës ndërsa për 10 nga këto nxënës është organizuar edhe trajnimi praktik ku me këtë grupë nxënësish është dalë në terren, në udhëkryqe dhe vendkalime për këmbësorë për të demonstruar praktikisht lëvizjen në vende të tilla .
Nënkryetari i komunës Menduh Vlashi duke vlerësuar lartë këtë projekt tha se është e rëndësisë së veçantë familjarizimi i fëmijë me pjesëtarët e Policisë së Kosovës, për punën që bëjnë në interes të qytetarëve të vendit.
Ndërsa Gazmend Hoxha Drejtorë i Drejtorisë Rajonale të Policisë-Ferizaj tha se projekte të këtilla Policia e Kosovës në vazhdimësi është duke organizuar me qëllim të sigurimit të një ambienti sa më të mirë për nxënësit e shkollave si dhe aktivitete tjera në sensibilizimin e nxënësve kundër dukurive negative ,
Policia e Kosovës nga nxënësit kërkon mbështetje, bashkëpunim dhe koordinim të përbashkët në veprimet e punëve policore për të arritur qëllimin për siguri dhe ambient më të sigurt të komunikacionit në rrugët e Kosovës.
Drejtori Hoxha e vlerësoi lartë bashkëpunimin e Policisë së Kosovës me komunën e Hanit të Elezit në realizimin e shumë projekteve të përbashkëta duke e cilësuar këtë bashkëpunim si shembull më të mirë në nivel të vendit.
