Hani i Elezit 14.02.2013
Komuna e Hanit të Elezit është njëra nga tetë komuna të Republikës së Kosovës të cilat janë shpërblyer për arritjet e tyre në ofrimin e shërbimeve komunale. Shpërblimet për komunat u bënë në një ceremoni solemne, ku u bë shpallja e fituesve të raundit të tretë të Fondit stimulues të USAID-it. Pas një procesi garues janë ndarë tetë shpërblime për tetë komuna, që arrijnë shumën prej 360 mijë dollarë, apo nga 45 mijë dollarë për secilën komunë
Raporti mbi Performancës e Komunave 2012, përmbledh punën e përbashkët të realizuar nga ana e Ministrisë së Administrimit të Pushtetit Lokal dhe komunat e Republikës së Kosovës, mbështetur në vazhdimësi nga programi i USAID “Iniciativa për Komuna Demokratike dhe Efektive” (USAID DEMI). Procesi i menaxhimit të performancës komunale përfshinë ngritjen e kapaciteteve dhe çertifikimine zyrtarëve komunal për përdorimin e sistemit menaxhues të performancës së shërbimeve komunale (SMPSHK).Ndërsa paralelisht, është realizuar anketimi me qytetarëve në tërë territorin e Republikës së Kosovës, në mënyrë që të merret përceptimi i qytetarëve mbi kënaqshmërinë e tyre me performancën e shërbimeve komunale. Pas tërë këtijë procesi është bërë hapja e fondit stimulues për komunat i cili fond shpërblen komunat bazuar në ngritjen e nivelit të performancës për ofrimin e shërbimeve komunale për qytetarët.
Në raportin e publikua nga USAID DEMI janë prezantuar të dhënat specifike të raportuara nga komunat mbi pesëmbëdhjet shërbime komunale të cilat janë pjesë e SMPSHK. Raporti përmban një krahasim të rezultateve të treguesve matës me vitin paraprak e cila vë në dukje ndryshimet në performancën e ofrimit të shërbimeve për qytetarët. Në mënyrë që të krijohet një vështrim sa më i plotë i performancës me shërbime komunale, raporti sjellë poashtu të dhënat e përceptimit të qytetarëve mbi kënaqshmërin e tyre me shërbimet e ofruara nga komunat.
I tërë SMPSHK është i ndarë në dy pjesë të veçanta por që gjithësesi janë të ndërlidhura në mes veti (1) mbledhja e të dhënave mbi treguesit matës të performancës; dhe (2) analiza e këtyre të dhënave.
Në arritjen e këtij objektivi, rolë të rëndësishëm ka marrja e opinionit të qytetarëve mbi nivelin e kënaqshmërisë së tyre me shërbimet komunale ngase qytetarët ndjejnë efektet e kualitetit të shërbimit që ofrohen nga komunat. Për më shumë, ky sistemi ofron MAPL-së një bazë të mirë për të monitoruar performancën komunale për të gjitha komunat dhe përmes fondit stimulues t’i shpërblej komunat më të suksesshme në ofrimin e shërbimeve komunale.
Në bazë të këtyre vlerësimeve Komuna e Hanit të Elezit në kategorinë ;
Shërbimet Administrative me 99.7% e lëndëve të shqyrtuara brenda vitit, dhe me 88.46% e qytetarëve të kënaqur apo shumë të kënaqur me shërbimet administrative, shpërblehet me fond stimulues prej 45.000 $ si njëra ndër komunat më të mira në Kosovë .
Zyra për informim
