Takimi “Kafja e Mëngjesit” i organizuar gjatë kësaj jave nga Dhoma e Tregtisë dhe Industrisë, në bashkëpunim me Komunën e Hanit të Elezit dhe Komunën e Kaçanikut, ishte një mundësi e vlefshme për diskutim me përfaqësues të bizneseve lokale nga të dy komunat.
Të pranishëm në takim ishin Kryetari i Komunës së Hanit të Elezit, z.Mehmet Ballazhi dhe Nënkryetari i Komunës së Kaçanikut, z.Sabedin Vishi, të cilët dëgjuan me vëmendje kërkesat e bizneseve dhe identifikuan hapësira për përkrahje më të madhe dhe zhvillim ekonomik në rajon.