Vargut të projekteve të realizuara në vitin 2013 nga sot po i shtohet edhe realizimi i asfaltimit të “Rrugës e të Përndjekurve” nga Ura e Fejzës- Ura e Seqishtës .
Kjo rrugë me gjatësi afro 1000 m dhe gjerësi prej 5 m do të pasohet edhe me rregullimin e shtegut të këmbësorëve me kubëza betoni me gjerësi mesatare prej 1m, si pjesë e këtij projekti.
Realizimi i këtij projekti do të krijojë një unazë funksionale dhe një segment të rëndësishëm në infrastrukturën rrugore për qytetarët e komunës së Hanit të Elezit.
Duke u deklaruar lidhur me këtë projekt, kryetari Suma i cili ishte prezent në fillimin e punimeve në këtë rrugë, tha se pas realizimit të projektit të shtrimit të rrjetit të kanalizimit i cili është realizuar vitin e kaluar, asfaltimi i kësaj rruge është vendosur ndër projektet prioritare për realizim për këtë vit.
Shpresojmë që me asfaltimin e kësaj rruge, qytetarëve të kësaj pjese të qytetit të Hanit të Elezit të ju krijojmë kushte sa më të mira për jetë, një zonë të mirë urbane,me ndriqim publik,kanalizim dhe shtegë për këmbësorët kjo rrugë do të shëndrrohet në rrugë atraktive për shkak të pozitës së saj afër Lumit Lepencë.
Asfaltimi i “Rrugës e të Përndjekurve” nga Ura e Fejzës- Ura e Seqishtës si dhe rregullimi i shtegut të këmbësorëve përskaj kësaj rruge do të realizohet me 123.687.20 €.
Zyra për informim
