Nënkryetari i Komunës së Hanit të Elezit z.Menduh Vlashi priti sot në takim pune Anëtarët e Komisionit Parlamentarë për Bujqësi, Pylltari, Mjedis e Planifikim Hapësinor.
Gjatë këtij takimi u diskutuan për ligjet aktuale ekzistuese si për Ligjin e Ambientit, Ligjin për Komunitete dhe trajtimin mineral, si dhe të drejtat dhe obligimet e komunave në implemetimin e këtyre Ligjeve
Kryesuesi i këtij grupi punues z.Shaip Muja, gjatë takimit me Nënkryetarin Vlashi , tha se ligji i tanishëm por edhe udhëzimet administrative përcaktojnë në mënyrër specifike obligimet e korporatave dhe se duhet marrë të gjitha veprimet e nevojshme që këto obligime edhe të respektohen .
Ai tha se tha se respektimi i Ligjeve në fuqi do të ndihmojë komunën e Hanit të Elezit por edhe komunat tjera të cilat ndikohen nga industritë me efekte të larta të ndotjes së ambientit.
Në interes të Anëtarëve të Komisionit Parlamentarë për Bujqësi, Pylltari, Mjedis e Planifikim Hapësinor ishte gjendja në komunën e Hanit të Elezit sa i përket ndotjes së ambientit.
Për këtë nënkryetari Vlashi tha se sa do që janë bërë investime në zvoglimin e ndotjes nga Kompania Sharrcem, megjithatë niveli i ndotjes është i lartë për të cilën në vazhdimësi jemi duke informuar si zyrtarët e kompanis por edhe organet përkatëse në nivel qendrorë.
Ajo që është më shqetësuese për komunitetin tha z.Vlashi janë raportet se në Han të Elezit nivelet e ndotjes janë në parametra normal, që është larg prej të vërtetës. Për këtë fajin e përcjellë edhe të kompetentët të cilët e kanë instaluar aparatin e monitorimit të ajrit në një lokacion periferik i cili nuk afektohet nga gjendja reale e e ndotjes së ambientit në qytetet.Madje nënkryetari Vlashi tha se gjendja është e tillë që ndotja mundë të vërehet konkretisht pa pas nevojë për ndonjë matje specifike.
Duke u ndërlidhe me këtë, Kryesuesi i këtij grupi punues z.Shaip Muja tha se Korporatat siç është Sharrcem-i janë të obliguara që gjatë hartimit të buxhetit për vitin vijues të ndajnë një pjesë të këtij buxheti për ndonjë projekt në interes të komunitetit.
Ai tha se synimi tjetër i tyre është që nga tantiemat e mbledhura nga mihjet sipërfaqësore të ndahet një përqindje e cila do të dedikohet në formë të granteve për zhvillimin dhe interesat e komunitetit.
Z.Muja tha se komisioni do të angazhohet që të Amandamentohet edhe Ligji për Obliqin që me një nen të veçantë të përfshihen zonat me nivel të lartë të ndotjes siç është Hani i Elezit.
Pas takimit në komunën e Hanit të Elezit, anëtarët e Komisionit Parlamentarë për Bujqësi, Pylltari, Mjedis e Planifikim Hapësinor vizituan edhe Kompanin “Sharrcem”.
