Hani i Elezit 12.11.2014
Kryetari i komunës së Hanit të Elezit Rufki Suma priti sot në vizitë Ambasadorin e Republikës së Shqipërisë në Kosovë, z.Qemal Minxhozi.
Kryetari Suma i shoqëruar nga kryesuesi i Kuvendit të Komunës Qamush Brava dhe nënkryetari i komunës Menduh Vlashi, shprehën kënaqësi të veçantë për këtë vizitë të Ambasadorit Minxhozi. Kryetari i komunës Rufki Suma e njoftoi Ambasadorin Minxhozi lidhr me zhvillimet e përgjithshme të komunës së Hanit të Elezit. Ai tha se përkundër faktit se jemi ndër komunat e reja të themeluara në Kosovë kemi arritur që të ndërtojmë një institucion stabil në shërbim të qytetarëve dhe bartëse e zhvillimit të përgjithshëm dhe të qëndrueshëm ekonomik.
Ambasadori i Republikës së Shqipërisë në Kosovë, z.Qemal Minxhozi duke shprehur knaqësin për realizimin e kësaj vizite, tha se treva Hanit të Elezit po le gjurmë të pashlyeshme në historinë e të gjitha zhvillimeve të rëndësishme për Kosovën dhe kombin shqiptarë. Ambasadori Minxhozi duke uruar Kryetarin Suma për të gjitha të arriturat në komunën e Hanit të Elezit e inkurajoi që të identifikoi forma të bashkëpunimit me komunat simotra të Republikës së Shqipërisë dhe Maqedonisë në mënyrë që të jenë përfituese të IPA fondeve për bashkëpunim ndërkufitarë.
Vizita e kryeministrit shqiptar, Edi Rama në Serbi mori një vëmendje të gjerë nga bashkëbiseduesit, veçanërisht fakti i të konsideruarit të kësaj vizite si historike.
Ambasadori i Republikës së Shqipërisë në Kosovë, z.Qemal Minxhozi tha se jo rastësisht kam vendosur që sot të vizitojë komunën e Hanit të Elezit dhe të them edhe një herë atë që u tha nga Kryeministri Rama në Beograd “Çështja e Kosovës është e zgjidhur”, Kosova e pavarur, e njohur deri tani nga 108 vende të ndryshme të botës dhe e mbështetur nga vendimi i Gjykatës Ndërkombëtare të Drejtësisë, është një realitet i pamohueshëm dhe i patjetërsueshëm rajonal dhe europian.
Ndërsa Kryetari Suma tha se në Kosovë kjo vizitë është pritur me interesim të jashtëzakonshëm dhe kjo deklaratë ishte ajo që Kosovarët prisnin të dëgjonin. Nuk duhet të presim që të tjerët të bëjnë atë që duhet vet të bëjmë, që të jemi këmbëngulës dhe bindës edhe para faktorit ndërkombëtarë dhe këtë më së miri e bëri Kryeaministri Rama në mes të Beogradit tha z.Suma.
Gjat ditës Ambasadori i Republikës së Shqipërisë në Kosovë, z.Qemal Minxhozi vizitoi edhe Shkollën e Mesme të Lartë “Dardania” në Han të Elezit. Ai me këtë rast takoi stafin udhëheqës dhe arsimorë të shkollës si dhe zhvilloi bisedë rasti me nxënësit e kësaj shkolle.
Një rini e edukuar dhe arsimuar do të jetë shtylla më e fortë e ndërtimit të kombit Shqiptarë si në Kosovë, Shqipëri, Maqedoni, Luginë të Preshevës e gjithandej kah jetojnë Shqiptarët. Do të inkurajojë Ministritë përkatëse të Arsimit si të Kosovës ashtu edhe të Shqipërisë që të nxisin projekte të bashkëpunimit, shkëmbimit arsimorë e kulturorë ndërmjet nxënësve dhe studentëve tha Ambasadori Minxhozi gjatë takimit me nxënësit.
Ambasadori i Republikës së Shqipërisë në Kosovë, z.Qemal Minxhozi nderoi edhe dëshmorët e kombitë të Komunës së Hanit të Elezit. Ai vizitoi Kompleksin e Varrezave në Puset e Nikës me ç’rast vendosi buqetë lulesh duke shprehur respektin më të lartë për sakrificën e shumë gjeneratave që u flijuan për kombin Shqiptarë.
Zyra për Informim
