29 Gushti “Dita e Dëshmorëve” të Hanit të Elezit u përcoll edhe me një aktivitet humanitarë.
Komuna Hani i Elezit përkatësisht Drejtoria e Shëndetësisë dhe Mirëqenijes Sociale në bashkëpunim me Qendrën Kombëtare të Kosovës për Transfuzionin e Gjakut dhe Bashkësia Islame, me moton “Dhuro gjak shpëto jetë” organizuan dhënien vullnetare të gjakut.
Ashtu si edhe shumë vite me radhë edhe këtë vit, banorët e Hanit të Elezit iu përgjigjen me të madhe këtij aktiviteti humanitarë.
Albana Gashi nga Qendra kombëtare e Tranfuzionit tha se janë 95 vullnetarë të cilët sot dhuruan gjakun e tyre për Qendrën Kombëtare të Kosovës për Transfuzionin e Gjakut të cilët do të ndihmojnë atyre që më së shumti do të kenë nevojë.
Ky aktivitete i banorëve të komunës së Hanit të Elezit i cili tashmë është bërë tradicional solli edhe “Mirënjohjen” nga Qendra Kombëtare e Kosovës për Transfuzionin e Gjakut.
Jeton Zenuni, specilist i transfuzionit të gjakut në emër të Qendrës Kombëtare e Kosovës për Transfuzionin e Gjakut ndau “Mirënjohje” për Kryetarin e Komunës së Hanit të Elezit Rufki Suma dhe “Mirënjohje” për Komunën e Hanit të Elezit për promovimin dhe organizimin e dhurimit vulnetarë të gjakut.
Jeton Zenuni në emër të Qendrës Kombëtare të Tranfuzionit tha se në këtë ditë të shënuar “Ditën e Dëshmorëve” kur përkujtojmë ata që dhanë gjakun e tyre për liri, banorët e Hanit të Elezit me dhurimin vullnetarë të gjakut po dëshmojnë edhe një herë përkrahjen e tyre për të gjithë ata që kanë nevojë, e në këtë rast gjakun e juaj.
Komuna e Hanit të Elezit është njëra ndër komunat që më së shumti është duke përkrahur Qendrën Kombëtare të Kosovës për Transfuzionin e Gjakut dhe për këtë ju jemi shumë mirënjohës tha z.Zenuni
