U bënë 34 vjet nga Dita e Kushtetutës së Kaçanikut, e cila përkujtohet më 7 shtator dhe ka një rëndësi të madhe historike për popullin e Kosovës.
Më 7 shtator 1990, në qytetin tonë fqinjë në Kaçanik, u miratua Kushtetuta e parë e Republikës së Kosovës, e cila afirmoi pavarësinë dhe sovranitetin e Kosovës nga Jugosllavia. Ky akt simbolik ishte një moment kthese në luftën për liri dhe vetëqeverisje të popullit shqiptar në Kosovë.
Përkundër represionit të ashpër të regjimit jugosllav, delegatët e Kuvendit të Kosovës morën një hap të guximshëm duke shpallur këtë kushtetutë, e cila më vonë u bë një themel i rëndësishëm për pavarësinë e shpallur në vitin 2008.
